Rumania do të dëbojë dhjetë diplomatë rusë, njoftoi sot Ministria e Jashtme, me Bukureshtin duke iu bashkuar disa vendeve evropiane që kanë dëbuar diplomatët rusë ditët e fundit.
Më shumë se 200 diplomatë rusë janë dëbuar në Evropë në 48 orët e fundit, pas zemërimit në të gjithë kontinentin dhe në mbarë botën për raportimet për zbulimin e varrezave masive dhe vrasjen e civilëve në qytetin ukrainas të Bucha pas tërheqjes së forcave ruse nga taje.
“Autoritetet rumune kanë vendosur të deklarojnë dhjetë persona që punojnë në ambasadën ruse në Bukuresht si persona të padëshiruar në territorin rumun, pasi veprimet e tyre janë në kundërshtim me Konventën e Vjenës,” tha ministria në një deklaratë.
Portugalia ka në plan të dëbojë 10 persona nga stafi I ambasadës ruse.
“Autoritetet rumune kanë vendosur të deklarojnë dhjetë persona që punojnë në ambasadën ruse në Bukuresht si persona të padëshiruar në territorin rumun, pasi veprimet e tyre … janë në kundërshtim me Konventën e Vjenës,” tha ministria në një deklaratë.
Ai shtoi se ambasadori është thirrur në Ministrinë e Jashtme për t’u informuar për vendimin.
Në deklaratën nga Ministria e Jashtme Portugeze thuhet se 10 punonjësit e ambasadës ruse u përshkruan si “persona non grata” dhe ju dha dy javë kohë për t’u larguar nga vendi iberik.
Asnjë nga zyrtarët e dëbuar nuk është diplomat, thuhet në deklaratë.
“Qeveria portugeze përsërit dënimin e saj të fortë dhe të vendosur ndaj sulmit rus në territorin ukrainas,” tha Ministria e Jashtme Portugeze në një deklaratë./abcnews.al/
