Të tjera detaje janë zbardhur në lidhje me vrasjen e Liridona Ademajt, krim i paguar nga bashkëshorti i saj, Naim Murseli.
Sipas mediave në Kosovë, Granit Plava, personi që dyshohet se vrau Liridonën ishte në të njëjtin restorant ku ndodhej edhe çifti Naim-Liridona.
Sa herë që vinte në Kosovë, Liridona Ademaj ishte mysafire e rregullt e restorantit në Graçanicë, ku ndodhej edhe natën e krimit.
Aty, ajo shkoi aty në mbrëmjen e 29 nëntorit, bashkë me burrin Naim Murseli dhe dy djemtë e saj.
Por 30 vjeçarja nuk ishte në dijeni se vetëm pak tavolina më tutje, po hante darkë Granit Plava, personi që dyshohet se u pagua nga Naim Murseli për ta vrarë Liridonën.
Ai kishte porositur “pleskavicë” dhe ndërkohë që hante e vëzhgonte tavolinën ku Naim Murseli ishte bashkë më familjen.
Siç raporton T7, Plava është ngritur pak minuta më herët sesa familja Murseli të largohet nga restoranti.
Largimin e tij pas dy orë qëndrimi në restorant e kanë filmuar edhe kamerat e sigurisë që tashmë janë në duar të policisë.
Përmes këtyre kamerave Policia e Kosovës identifikoi se Plava u largua me makinën e njëjte që ishte parë edhe tek vendi ku ndodhi ngjarja tragjike e 29 nëntorit.
Plava po priste tek një vend në Bërnicën e Epërme të cilët banorët e quajnë Sinidoll që gjendet në periferi të Prishtinës, aty ku familja Murseli kishte blerë një shtëpi.
