Për shumë njerëz, dita nuk fillon derisa të pihet filxhani i parë i kafesë. Rreth 64 për qind e të rriturve e konsumojnë pijen popullore çdo ditë. Kafeja është një mënyrë e shkëlqyer për të marrë energji shtesë në mëngjes dhe studimet kanë treguar se kjo pije ka shumë përfitime për shëndetin tonë.
Përveçse ndihmon në mbrojtjen e zemrës, zvogëlon rrezikun e kancerit të prostatës dhe gjithashtu nxit humbjen e peshës. Megjithatë, tek disa njerëz mund të shkaktojë më shumë efekte anësore negative sesa pozitive. Nëse duhet të shkoni në tualet për shkak të kafesë, nuk është aspak e padëmshme.
Për të kuptuar më mirë nëse kafeja është një zgjedhje e mirë për ju apo jo, dietologët kanë zbuluar se cilët njerëz duhet të shmangin ose të paktën të reduktojnë marrjen e kësaj pije në mënyrë që të ruajnë shëndetin e tyre. Duhet ta shmangnin kafenë ata që kanë sindromën e zorrës së irrituar, aritmi, probleme me gjumin, nivele të larta ankthi ose tendencë për sulme paniku.
Gjithashtu dhe ata që kanë diarre, epilepsi dhe sëmundje të refluksit gastroezofageal. Kafeja vetëm mund t’i përkeqësojë këto gjendje, kështu që nëse keni një nga këto probleme, kini kujdes./vizionplus.tv
