Nga Sektori për Punë të Brendshme në Tetovë kanë konfirmuar se dy persona janë arrestuar pasi të njëjtit kanë dashur të futen me dhunë në komunën e Tetovës, përcjell TV21. Sipas policisë, të njëjtit e kanë kanosur punonjësin e komunës.
Pamje nga #arrestimi i dy personave, tentuan të futen me dhu’ë në #komunën e #Tetovës pic.twitter.com/33amMba2vQ
— Tetova News (@TetovaNews1) November 5, 2024
“Sot (5 nëntor) në rrugën “Dervish Cara” në objektin e komunës së Tetovës, zyrtarët policorë nga SPB Tetovë kanë privuar nga liria personat K.I. (34) dhe A.A. (38), të dy nga Tetova, për shkak të dyshimit të bazuar se kanë kryer veprën penale “Rrezikimi i sigurisë”, i dënueshme nga neni 144 i Kodit Penal. Sipas njoftimit, ata rreth orës 14:20 e kanë kanosur personin L.M., punonjës në komunën e Tetovës. Të njëjtit janë ndaluar në stacionin policor dhe pas dokumentimit të plotë të rastit, kundër tyre do të bëhet kallëzim përkatës”, thonë nga SPB-Tetovë./tv21.tv
