Dy shqiptarë janë arrestuar nga policia italiane gjatë një aksioni antidrogë në Mantova. Mediat italiane raportojnë se dy 31-vjeçarët shqiptarë dyshohen të përfshirë në trafikun dhe shpërndarjen e lëndëve narkotike.
Një nga të arrestuarit është deportuar në Shqipëri, pasi ndaj tij rëndonin një sërë akuzash, ndërsa tjetëri është dëguar në burg, pasi rezultonte i dënuar në Itali në lidhje me disa krime.
Sipas medaive italiane 31-vjeçari që u deportua drejt Shqipërisë mbrëmjen e së mërkurës (ditë dhe kur u arrestua) rezultonte i skeduar për trafik droge, marrjen e mallrave të vjedhura, dëmtimet, kërcënimet, dëmtimet personale, shkeljen e rregulloreve të emigracionit, shkeljen e rregulloreve të armëve, drejtimin e automjeteve pa leje.
Ai u shoqërua në aeroportin Catullo në Verona, nga ku i shoqëruar nga stafi i Policisë së Shtetit të Mantovës, u hipën në një fluturim për në vendin e tij të origjinës.
Aksioni është shtirë në të gjithë rajonin e Reggio Emilia, djuke aktivizuar edhe qentë antidrogë. Emrat e shqiptarëve nuk u publikuan, teksa kontrollet vijojnë ende dhe gjatë kësaj jave janë goditur disa grupe të ndryshme ekstrakomunitare në këtë rajon, për trafik narkotikësh dhe krime të tjera.
Autoritetet e kanë cilësuar dukurinë e kthyer në shqetësim për banorët, si “krim i përhapur”. “Veçanërisht, aktivitetet u zhvilluan në Piazza Mondadori, Largo Pradella dhe kopshtet Tazio Nuvolari dhe u shtrinë gjithashtu në Piazza Cavallotti, Piazza 80 Fanteria, stacioni hekurudhor, kopshtet Valentini, Via Bonomi dhe Via Bettinelli. Gjithashtu, kontrollet specifike vazhduan në zonat e grumbullimit më të madh të të rinjve, në mbrëmje dhe gjatë natës, me qëllim parandalimin e situatave dhe krimeve të rrezikshme”, shkruan “Prima di Tutto Mantova”.
