Presidenti i SHBA-së, Donald Trump lëshoi të mërkurën një ultimatum për Rusinë, duke i kërkuar t’i japë fund luftës në Ukrainë dhe të arrijë një “marrëveshje”, ose të përballet me sanksione të reja dhe tarifa të larta importi.
Trump e bëri paralajmërimin në rrjetin Truth Social duke këmbëngulur se ai “nuk po kërkonte të lëndonte Rusinë” por do i bënte nder Rusisë.
“Unë nuk kërkoj të lëndoj Rusinë. Unë e dua popullin rus dhe kam pasur gjithmonë një marrëdhënie shumë të mirë me Presidentin Putin – dhe kjo pavarësisht nga mashtrimi i Rusisë, të së Majtës Radikale. Nuk duhet të harrojmë kurrë se Rusia na ndihmoi të fitojmë Luftën e Dytë Botërore, duke humbur pothuajse 60,000,000 jetë në këtë proces. Duhet thënë se unë do t’i bëj Rusisë, ekonomia e së cilës po dështon dhe Presidentit Putin, një favor shumë të madh. Vendosni tani dhe ndaloni këtë luftë qesharake! Vetëm sa bëhet më keq. Nëse nuk bëjmë një “marrëveshje” së shpejti, nuk kam zgjidhje tjetër veçse të vendos nivele të larta taksash, tarifash dhe sanksionesh për çdo gjë që Rusia u shet Shteteve të Bashkuara dhe vendeve të tjera pjesëmarrëse. Le ta mbarojmë këtë luftë, e cila nuk do të kishte filluar kurrë po të isha President! Ne mund ta bëjmë këtë me “hir ose pahir” dhe mënyra e lehtë është gjithmonë më e mirë. Është koha për të “bërë një marrëveshje” Nuk duhet të vdesin më njerëz!”
VIDEO BONUS:
https://youtu.be/fjhTlnkPxSM
