Një ngjarje e rëndë është shënuar pasditen e sotme në Tiranë, ku një 37-vjeçar ka humbur jetën si pasojë e plagëve me thikë që ka marrë nga babai i tij.
Policia bën me dije se ngjarja ka ndodhur rreth orës 18:50, tek Kodra e Priftit, në rrugën “Ilia Shyti” ku në banesë, shtetasi H. Gj., rreth 74 vjeç ka goditur me thikë të birin, shtetasin A. Gj., 37 vjeç. Ky i fundit ka humbur jetën në spital.
Pas njoftimit të marrë për ngjarjen, shërbimet e Policisë kanë bërë shoqërimin e autorit në komisariat për veprime të mëtejshme. Shkaku i vrasjes dyshohet të jenë bërë ngacmimet dhe talljet e të birit ndaj të atit të tij. Në polici i moshuari ka pranuar se ka vrarë të birin, ndërsa dyshohet se në momentin e vrasjes të dy kanë qenë të dehur. Ndërkohë grupi hetimor po punon për sqarimin e rrethanave të ngjarjes.
Personat që shihni në foto janë Hekuran dhe Asim Gjoni, babë e bir, të cilët u përfshinë në një konflikt që përfundoi në tragjedi.
Një ngjarje tronditëse ndodhi mbrëmjen e djeshme në zonën e Kodrës së Priftit në Tiranë.
74 vjeçari u arrestua pasi goditi me thikë në zemër të birin 37-vjeçar. Ky i fundit ishte i martuar me dy fëmijë dhe ishte ushtarak.
Konflikti i rëndë ndodhi pasi të dy ishin në gjendje të dehur, gjë që çoi situatën drejt përplasjes fatale.
Pavarësisht ndërhyrjes së menjëhershme të mjekëve, Asim Gjoni nuk mundi t’u mbijetojë plagëve të marra.
Policia mbërriti në vendngjarje dhe shoqëroi autorin në komisariat, ku ai pranoi krimin pa bërë rezistencë.
I moshuari ka deklaruar në polici se shkak i sherrit mes tyre kanë qenë talljet që i biri bënte prej kohësh ndaj tij.
Grupi hetimor po vijon punën për të zbardhur rrethanat e plota të ngjarjes së rëndë, e cila ka tronditur komunitetin lokal.
Kjo tragjedi risjell në vëmendje problemet shqetësuese të dhunës në familje, shpesh të lidhura me konsumimin e tepruar të alkoolit.
@tetovanews
@tn.lajmelokale
