Zjarri në Koçan/Babai në kërkim të dy vajzave, njërën e gjen të shtruar në spital, tjetrën të vdekur!

Nga zjarri në diskotekën në Koçan ka humbur jetën edhe Lepa Taseva, 25 vjeç.

Më parë, babai i saj ishte në kërkim të dy vajzave, Lepës dhe motrës së saj Marias, 20 vjeç.

“Kemi ardhur për ta kërkuar, ajo nuk është në Koçan, do ta kërkojmë në Shkup”, tha babai Boban Tasev.

Ai dëshmon se njëra vajzë, Maria, të cilën e gjeti, është e shtruar në spital. Ajo u plagos kur u rrëzua gjatë evakuimit dhe u shkel nga persona të tjerë në përpjekje për të shpëtuar, ndërsa vajza tjetër ka humbur jetën.