IDF(Forcat e Mbrojtjes së Izraelit) ka nxjerre emrat e nëntë shkencëtarëve bërthamorë iranianë, që vrau në sulmet e para të operacionit të saj kundër programit bërthamor të Iranit, të premten.
Emanuel Fabiam I TOI, shkruan se Ushtria deklaroi se këta shkencëtarë ishin shume afër ndërtimit të bombës bërthamore.
Emrat e shkencëtarëve të vrarë nga bombardimet janë: Fereydoon Abbasi, ekspert në inxhinierinë bërthamore; Mohammad Mehdi Tehranchi, ekspert në fizikë; Akbar Motalebi Zadeh, ekspert në inxhinierinë kimike; Saeed Barji, ekspert në inxhinierinë e materialeve; Amir Hassan Fakhahi, ekspert në fizikë; Abd al-Hamid Minousehr, ekspert në fizikën e reaktorëve; Mansour Asgari, ekspert në fizikë; Ahmad Reza Zolfaghari Daryani, ekspert në inxhinierinë bërthamore; dhe Ali Bakhouei Katirimi, ekspert në mekanikë.
“Të gjithë shkencëtarët dhe ekspertët që u eliminuan ishin burime të rëndësishme njohurish në projektin bërthamor iranian dhe kishin dekada përvojë kumulative në zhvillimin e armëve bërthamore”, thekson IDF.
Thuhet se shumë prej tyre ishin pasardhës të Mohsen Fakhrizadeh, “babait të projektit bërthamor iranian”, i cili dyshohet se u vra nga Izraeli në vitin 2020.
Sipas ushtrisë, të nëntë u vranë në sulme të njëkohshme në Teheran të premten në mëngjes, në të njëjtën valë sulmesh që eliminuan dhjetëra komandantë ushtarakë, përfshirë gjashtë zyrtarë të lartë.
“Eliminimi i shkencëtarëve u bë i mundur pas hulumtimeve të thella të inteligjencës që u intensifikuan gjatë vitit të kaluar, si pjesë e një plani të klasifikuar dhe të ndarë në ndarje të IDF-së”, thotë ushtria.
Si pjesë e planit, IDF thotë se dhjetëra studiues të inteligjencës “punuan në një projekt sekret që synonte gjurmimin e shkencëtarëve kryesorë bërthamorë në Iran gjatë disa viteve”.
@tetovanews
@tn.lajmelokale
