Google ka lansuar një shtues bllokues për shfletuesin e tij Chrome i dizajnuar për të parandaluar reklamat “bezdisëse” dhe “ngacmuese” për lexuesit.
Google ka deklaruar se ka reduktuar reklamat e plota dhe ato të ndërprera, vitin e kaluar.Zgjedhja e reklamave që do të bllokohen do të përcaktohet nga Koalicioni për Reklamim më të Mirë (CBA) – i përbërë nga kompanitë përfshirë Google dhe Facebook.
Sajtat do të kenë 30 ditë kohë për të hequr reklamat përçarëse para fillimit të bllokimit, raporton “BBC”, transmeton Periskopi.
Një sondazh i 40,000 përdoruesve të internetit në SHBA dhe Europë zbuloi se reklamat më ndërhyrëse ishin reklama me faqe të plota që fshehin përmbajtjen e një faqeje interneti dhe reklama të gjalla të ndezura, sipas një blogu nga Chris Bentzel në Google.
“Chrome automatikisht do të bllokojë reklamat në faqet që nuk përmbushin standardet më të mira të reklamave,” shkruante Bentzel.
Faqet që kanë ndryshuar tashmë reklamat pasi janë paralajmëruar nga Google përfshijnë “LA Times” dhe “Chicago Tribune”.
Sidoqoftë, përdoruesit që thjesht duan të bllokojnë sa më shumë reklama të jetë e mundur të kërkojnë zgjidhje të tjera./Periskopi/
