Sekreti i lëkurës së bukur dhe rinore nuk bazohet vetëm në përmbajtjen e kremrave të shtrenjta, por edhe në pijet natyrale të perimeve që nuk mund të aplikohen në lëkurë por duhet të konsumohen.
Më poshtë është receta e një lëngu të mrekullueshëm që ndihmon që të keni shëndet më të mirë, ushqen dhe hidraton lëkurën si dhe ndihmon me rregullimin e peshës trupore.
Për këtë ilaç mrekullibërës që do t’i japë lëkurës tuaj elasticitet dhe shkëlqim ashtu sikur edhe të gjithë komponentët që lëkura humbet me kalimin e viteve, ju keni nevojë për tranguj, selino dhe çaj organik të gjelbër.
Trangulli njihet për efektin qetësues dhe kjo i atribuohet vitaminës C por acidi silikik si një përbërës tjetër i trangullit është shumë i rëndësishëm për ruajtjen e shëndetit të muskujve të indit lidhës, transmeton Klan Kosova.
Kur trangulli shoqërohet me ujë, natyrisht që hidraton dhe i jep lëkurës një shkëlqim të shëndetshëm.
I gjithë kompleksi i vitaminave B që gjendet në selino stimulon shkëmbimin e karbohidrateve në trup dhe mban lëkurën të shëndetshme.
Në ndërkohë nivelet e larta të antioksidantëve, duke përfshirë vitaminat C dhe E, që gjenden në çajin e gjelbër ngadalësojnë procesin e plakjes së lëkurës.
Përbërësit:
2 tranguj të qëruar
4 kërcej të selinos
2 filxhanë të çajit të gjelbër organik
Përgatitja dhe konsumimi:
Vendosni të gjithë përbërësit në blender (mikser elektrik) dhe përzieni mirë. Nëse është e nevojshme dhe e shihni se masa që e keni përgatitur është shumë e trashë, shtoni edhe pak ujë.
Konsumoni këtë pije sapo ta përgatisni të freskët.
