Për herë të parë në histori, një grua u lejua që të hyjë në arenën e ndeshjes së demave në Japoni, pasi kufizimi për femrat u hoq në përpjekje për të modernizuar këtë sport.
Mediat japoneze thanë se gruaja në fjalë, e identifikuar si Yuki Araki, shoqëroi kafshën e saj në arenë, në ditën e parë të stinës së ndeshjeve me dema, në ishullin Hokaido.
Më parë, gratë nuk lejoheshin që t’i afroheshin arenës, pasi kjo e fundit purifikohej me kripë dhe verë orizi, siç e kërkonte tradita.
Ndeshjet e demave në Japoni njihen si “Togi” dhe ndryshojnë nga ato në Spanjë, pasi aty asnjë dem nuk vritet dhe nuk ka toreador.
Në këtë sport shekullor, demat kryqëzojnë brirët dhe përpiqen që të shtyjnë njëri-tjetrin të nxitur nga stërvitësit e tyre. Në momentin që një dem plagoset nga brirët e tjetrit, ndeshja ndërpritet menjëherë.
Muajt e fundit, gjithnjë e më shumë femra kanë denoncuar abuzimet seksuale në Japoni dhe ndryshimi i rregullit të Federatës së Ndeshjeve me Dema duket se shkon me këtë trend. Zyrtarë të Federatës thanë se barazia mes meshkujve dhe femrave nuk duhet të vihet më në diskutim dhe se lejimi i grave në këtë sport thjesht do ta përmirësojë atë./TCH/
