Mediat në Serbi kanë mbetur të tronditura që Rusia mbështeti axhendën e Asamblesë së Përgjithshme të INTERPOL-it për nesër, ku do të votohet edhe për kërkesën e Kosovës për anëtarësim në këtë organizatë.
Serbia, së bashku me Spanjën, Qipron, Kinën, Sirinë, Venezuelën dhe Surinamin, kishte kërkuar që kjo axhendë të ndryshohet, por mori përgjigje negative nga Këshilli i Asamblesë së Përgjithshme të INTERPOL-it.
Sipas burimeve të mediave serbe, presidenti i Rusisë, Vladimir Putin, nuk e ka penguar hedhjen në votim të kërkesës së Kosovës për anëtarësim në organizatën ndërkombëtare të policisë.
“Rusët nuk kanë marrë udhëzime nga Qeveria e tyre për të folur për këtë çështje. Kërkesa e
Kosovës u miratua që të hyjë në rend dite nesër dhe kështu do të votohet edhe për anëtarësimin e saj”, shkruan gazeta serbe Telegraf.
