Paralelisht me protestën e studentëve, në Tiranë ka nisur edhe protesta te Unaza e Re. Banorët janë vendosur në të dyja asket e rrugës pranë mbikalimit në këtë zonë, duke bllokuar qarkullimin e mjeteve.
Në mbështetje të tyre janë edhe deputetë të opozitës si dhe kryetari i PD-së Lulzim Basha.
“Gjiknuri në burg, poshtë projekti”, janë disa nga thirrjet në kor të protestuesve.
Protesta te Unaza e Re shënon ditën e 38, ndërsa banorët kundërshtojnë prishjen e banesave të tyre siç e parashikon plani për ndërtimin e aksit nga sheshi “Shqiponja”, te mbikalimi pranë pallatit me shigjeta.
