Ballina Aktualitet Lajme Rrjet për luftën kundër gjuhës së urrejtjes në media (VIDEO)

Rrjet për luftën kundër gjuhës së urrejtjes në media (VIDEO)

Trupat rregullator të mediave, organizata civile dhe institucione publike vendosën firmën e tyre për pjesëmarrje në rrjetin për luftë kundër gjuhës së urrejtjes në media. Iniciatorë i rrjetit është Këshilli i Etikës në Media në bashkëpunim me misionin e OSBE-së në Shkup.

Duke marrë parasysh faktin se gjuha e urrejtjes për një kohë më të gjatë mbizotronte në skenën mediatike, duke ndryshuar vetëm personat të cilëve kjo gjë u ka shërbyer qëllimeve dhe taktikave të tyre, na ka detyruar që edhe ne vetë të alarmojmë për formimin e një trupi për vetrregullim në media por edhe në përgjithësi gjithë bashkësia mediatike, se diçka duhet të ndërmerret. Duhet të theksojmë se vetrregullimi nuk është ilaçi i vetëm për gjuhën e urrejtjes në media, veçanërisht jo në shoqërinë tonë ku gjatë kohë kanë munguar kapacitetet demokratike- deklaroi Marina Tuneva, drejtore e Këshillit të etikës.

Ambasadori i OSBE-së Klemens Koja është i bindur se rrjeti do të sjellë rezultate konkrete në luftën kundër gjuhës së urrejtjes.

Jam i bindur se vendosja e këtij rrjeti do të ndikojë në sjelljen publike duke penguar gjuhën e urrejtjes në media. Rrjeti do t’i lejojë anëtarët e tij të zhvillojnë masa për reduktimin e gjuhës së urrejtjes në media dhe do të analizojnë se pse gjuha e urrejtjes paraqet një element gjithmonë e më prezent që dërgon në krim të urrejtjes- deklaroi Klemens Koja, ambasador i OSBE-së.

Kryetari i Komisionit për ankesa në Këshillin e Mediave, Mirçe Adamçevski, vlerëson se një përqindje e madhe e ankesave që marrin i referohen pikërisht përdorimit të gjuhës së urrejtes. Ai shton se gjuha e urrejtjes veçanërisht është prezente gjatë zhvillimeve të rëndësishme politike dhe pritet të jetë e tillë edhe tani në prag të zgjedhjeve presidenciale.

Përdoruesit tinëzar të gjuhës së urrejtjes mbrohen me të drejtën e lirisë së shprehjes dhe vlerësojnë se askush nuk mund ta kufizojë këtë ose flasin për vendosjen e censurës në media. Me këtë, me qëllim harrojnë se gjuha e urrejtjes është pikërisht keqpërdorim i lirisë së fjalës ose siç thuhet, liria e fjalës nuk është liri për gjuhë të urrejtjes- pohoi Mirçe Adamçevski, kryetar i Komisionit për ankesa në Këshillin e etikës.

Pjesë e rrjetit, përveç Këshillit të etikës, janë edhe Shoqata e Gazetarëve të Maqedonisë, Agjencia e Mediave, Minsitria e Brendshme, Ministria e Informatikës, Kabineti i ministrit pa resor i angazhuar për transparencë dhe komunikim, Avokati i Popullit, Akademia për gjykatës dhe prokuror publik, Fondacioni Metamosfozis dhe dhjetëra organizata të tjera.

Artikulli paraprakPrangosen dy shqiptarë në pikën kufitare të Jazhincës
Artikulli tjetërTabelat me emrin “Republika e Maqedonisë së Veriut” do të jenë edhe në gjuhën shqipe (VIDEO)