Anëtar i Rijasetit të BFI-së së Maqedonisë së Veriut, Muhamer Veseli njoftoj se kryetari i institucionit të tyre, Reisi Sulejman Rexhepi nuk ka dhënë dorëheqje, nuk është i revokuar, nuk është i shkarkuar dhe se edhe më tutje vazhdon të drejtojë këtë institucion fetar.
“Kjo është fatkeqësi e dytë që ndodh me BFI nuk na janë të njohura rrethat. Kjo është si rezultat i mosfunksionimit të shtetit juridik. Cdo vendim tjetër është cënim i autonomisë së BFI-së që garantohet me Kushtetutë. Presim që institucionet të pastrojnë këtë haos para BFI-së. Jemi në pritje të anëtarëve të Rijasetit të BFI-së, që do të kryesohet nga kreu Sulejman Rexhepi dhe do të dalim me konkluzat tona për situatën e krijuar.”, theksoi Veseli.
I pyetur se kush qëndron prap këtij skenari, Veseli theksoi se indikacionet e tyre janë se “ata të cilët kanë indinjatën e tyre me rezultatet zgjedhore, duan ta hedhin tek institucioni i vetëm I myslimanëve që është kategori kushtetuese dhe ka rregullat e saj normative.”, theksoi Veseli. Sipas tij, edhe pushteti i kaluar tentoi ta shkarkoj Rexhepin, por që përfundoi ku përfundoi, me azil jashtë vendit.(INA)
