Amerikanët, arabët, kinezët, rusët, argjentinasit, francezët, britanikët. Këto janë vetëm disa nga nacionalitetet e blerësve të cilët së shpejti do të zotërojnë ndërtesat në pronësi të komunës së Sambuca di Sicilia (Agrigento), Itali, ku në muajt e fundit administrata ka nxjerrë në shitje, me çmim simbolik bazuar në çmimin e ankandit prej një euro, 16 shtëpi të braktisura në qendrën historike. Iniciativa është përqafuar me sukses të papritur, me mbi 100 mijë e-mail dhe telefonata nga e gjithë bota me kërkesa për informacion, pas një transmetimi të shërbimit në kanalin e turizmit të rrjetit televiziv CNN.
Në Palazzo Panitteri, selia e muzeut qytetar, u hapën 49 zarfa që përmbanin oferta individuale, duke filluar nga një mijë deri në 10 mijë euro, nga vende të ndryshme të huaja. Ringjallja më e madhe përfshinte një ndërtesë të vendosur në Via Marconi. Një grua nga Virxhinia, e cila erdhi nga Shtetet e Bashkuara të Amerikës në Sambuca për të parë shtëpitë për shitje personalisht, iu dha prona për 21 mijë euro. Tani pronarët e rinj do të kenë një periudhë maksimale prej tre vjetësh për të ristrukturuar, siç kërkon oferta, dhe më në fund të gëzojnë “Buen retiro” të tyre në Sicili.
“Që nga viti 2016, ne jemi zgjedhur ‘Borgo dei Borghi’, – thotë nënkryetari i Sambucas, Giuseppe Cacioppo, – jeta e komunitetit tonë ka ndryshuar thellësisht. Që atëherë, në fakt, ne kemi njohur një bum turistik të vërtetë: janë rritur numrat e shtretërve, me nismën “bad and breakfast”, edhe tregu i pasurive të patundshme ka pësuar një zhvillim të paparë. Kur filluam projektin e ‘Shtëpive me 1 euro’, ne nuk e prisnim këtë sukses. Ne u pushtuam nga qindra të huajt, shumë prej të cilëve kanë vendosur të vijnë në vendin tonë. Sot ne po korrin frytet e kësaj pune”.
Iniciativa e administratës komunale ka gjeneruar në të vërtetë një rreth të virtytshëm: përveç 16 shtëpive në pronësi të Komunës të dhëna përmes ankandit, ka së paku 50 prona të tjera, të gjitha private, të cilat tashmë janë shitur për blerësit e huaj, disa nga të cilët synojnë të investojnë në “Borgo dei Borghi” me ndërtimin e objekteve të reja turistike. Po nuk mjafton. Shtëpitë prej 1 euro do të bëhen gjithashtu një format televiziv ndërkombëtar: rrjeti amerikan i “Discovery Channel”, në fakt ka vendosur të blejë një shtëpi dhe ta caktojë atë tek aktorja Lorraine Bracco për ta shndërruar atë në një program të dedikuar për fenomenin e Sambucas, bashkisë siciliane, që është bërë tani e njohur në mbarë botën.
