Alpinisti nga Kumanova ka pësuar sulm në zemër ndërsa ishte në një turne alpinizmi në Kodrën e Diellit, njofton 24 info, transmeton flurudha.com.
Sipas informacioneve të “24 info”,menjëherë u angazhua një helikopter i MPB me të cilin alpinisti u transportua në klinikat e Shkupit.
Anëtari i klubit të alpinizmit “Jellak” nga Tetova, sot në ora 11 u paraqit në polici dhe informoi se një pjesëtari të turneut nga Kumanova i është përkeqësuar gjendja shëndetësore. Alpinistët, duke u nisur nga simptomat, konstatuan se bëhet fjalë për sulm në zemër. Prandaj u paraqitën në MPB, kurse për shkak të largësisë së Malit Sharr, kërkuan nga policia që të dërgojë helikpter që të mund t’í jepet ndihma e parë mjekësore. Pas paraqitjes së rastit, nga MPB është nisur urgjentisht helikopteri, kurse pjesëtarët e ekupizhit nuk e kanë pasur vështirë për ta gjetur vendndodhjen e grupit që kërkoi ndihmë. Alpinisti që jepte shenja jete u transportua në Qendrën Klinike të Shkupit, njoftojnë nga policia e Tetovës.
Momentalisht nuk ka informacione për gjendjen e tij shëndetësore./flurudha.com
