Milani dhe Napoli kanë ndarë nga një pikë në takimin e vlefshëm për javën e 13-të në Serie A.
Rossonerët dhe Azzurrët nuk kanë arritur të marrin asnjëra fitoren në këtë ndeshje duke shkuar në tri, respektivisht katër ndeshje pa fitore.
Pjesa e parë e takimin u karakterizua me lojë të hapur dhe raste nga të dyja skuadrat, të cilat arritën të gjejnë edhe nga një gol.
Goli i parë në ndeshje erdhi në minutën e 24-të dhe ishte Hirving Lozano, i cili shënoi me kokë nga afërsia për 0-1.
Milani arriti të kthehet në lojë pas vetëm pesë minutave me anë të Giacomo Bonaventura, i cili shënoi një gol të bukur për barazimin 1-1.
Në pjesën e dytë, u zhvillua gjithashtu lojë e barabartë nga të dyja skuadrat që qarkullonin mirë, por pa arritur të krijojnë diçka konkrete.
Kështu pas 90 minutave lojë dy skuadrat u deshën të kënaqen me nga një pikë nga barazimi 1-1.
Pas këtij barazimi, Napoli e sheh veten në pozitën e shtatë me 20 pikë, ndërsa Milani renditet i 13-ti me 14 pikë.
Në takimin e radhës, Rossonerët udhëtojnë te Parma, ndërsa Napoli e pret Bolognan.
