Kryeministri Edi Rama do të marrë pjesë mbrëmjen e sotme në emisionin “Porta a Porta” të gazetarit italian Bruno Vespa në Rai Uno, për të sensibilizuar dhe për t’i bërë thirrje komunitetit atje që të ndihmojnë Shqipërinë.
Teksa qëndron ulur në një prej lokaleve pak para regjistrimit të emisionit, Rama bisedon me këshilltarin e tij Endri Fuga dhe në një moment kur kërkojnë të japin porosinë, surprizohen nga kamarieri. “A caffee, caffee”, thotë Rama, ndërsa kamarieri duke e njohur kryeministrin ia kthen në shqip “një kafe espreso?”.
Menjëherë kryeministri e fton të riun nga Elbasani të ulet për pak në tavolinën e tyre dhe i tregon se sot do të kërkojnë ndihmë për Shqipërinë te Bruno Vespa.
Rama: Hajde mor figurë hake, ulu, ulu. Si je, kur ke ardh këtu?
Kamarieri shqiptar: Ketu ne Itali jam që nga 2003.
Rama: Nga je?
Kamarieri: Nga Elbasani. Më erdhi keq shumë për tërmetin që ndodhi në Shqipëri.
Rama: Ca t’i bëjmë. Ja kemi ardhur këtu për…
Kamarieri: Më bëhet qejfi që Italia ka ndihmuar si shumë shtete të botës.
Rama: Italia na ka ndihmuar vërtet shumë. Tani jemi te Bruno Vespa për një regjistrim te Bruno. Do
bëjmë dhe një thirrje aty për sensibilizim dhe mbështetje. Duhet mbështetja e të gjithëve, dhe ne do t’i bëjmë ato tonat.
https://youtu.be/W6eBV-1csLo
