Koronavirusi i ri nuk mbijeton në ujin e detit. Lajmi i mirë, sidomos në prag të sezonit veror, vjen nga shkencëtarët e Institutit kërkimor francez “Ifremer”.
Në arritjen e këtij konkluzioni, ata studiuan midhjet bashkë me kampionë uji të detit të marra nga zona të ndryshme në Francë. Mes 21 molusqeve të analizuara, nuk u gjend asnjë gjurmë e koronavirusit.
E njëjta gjë edhe për ujin e detit, ku nuk u verifikua prezenca e virusit. “Edhe pse nuk mund të flasim me bindje të plotë për të gjithë molusqet dhe ujërat detar të Francës, mungesa e gjurmëve të Covid-19 në studimin tonë është një lajm i mirë”, shpjegojnë shkencëtarët e institutit kërkimor.
https://youtu.be/zxnE5rykjYQ
