Kryeqyteti i Libanit, Bejruti dhe periferitë përreth, përjetuan atë që meteorologët e quajtën “stuhi historike breshri”, e cila mbuloi kryeqytetin në një batanije të bardhë për orë të tëra, duke shkaktuar përmbytje masive dhe duke penguar trafikun në autostradën kryesore bregdetare, transmeton Tetova News.
Elias Saadeh, themelues i Liban Weather Forecast, deklaroi për
Al Arabiya se fenomeni i së shtunës ishte për shkak të reve të mëdha superqelizore. Zgjati rreth një orë, shoqëruar me stuhi të forta dhe breshër të rëndë.
“Kjo superqelizë preku vetëm zonën bregdetare përreth Bejrutit dhe rrethinat e tij. Një efekt superqelizor është gjithmonë lokal. Stacionet e motit në Bejrut regjistruan 50 mm reshje në një periudhë prej 25 minutash. Kjo sasi konsiderohet e madhe, pasi është e barabartë me derdhjen e 50 litrave ujë në secilin metër katror në 25 minuta. Për më tepër, kjo superqelizë shkaktoi një rënie drastike të temperaturës nga 21 ° C në 13.5 ° C për disa minuta “, shtoi Saadeh.
Hera e fundit që Bejruti përjetoi një ngjarje të ngjashme ishte në vitin 1968.
Stuhia e madhe e breshërit në Bejrut ka nxitur lutje dhe mesazhe mbështetjeje për ata banorë, shtëpitë e të cilëve mbajnë ende shenjat dalluese shkatë*rrimtare të shpër*thimit masiv që go*diti qytetin në gusht.
Ndërsa njerëzit të shtunën u turrën në mediat sociale për të treguar rrugë, makina dhe shtëpi të mbuluara me një çarçaf të bardhë të akullt, kishte shumë që komentuan se zemrat e tyre u drejtohen atyre që vazhdojnë të jetojnë në shtëpitë e shkatë*rruara nga shpë*rthimi.
Një përdorues i Twitter komentoi: “Mendoni për të gjithë njerëzit, shtëpitë e të cilëve u dëmtuan nga shpë*rthimi, të cilët nuk kanë mundësi t’i riparojnë ato siç duhet, tani duhet të përballen me të ftohtin e akullt.”
https://youtu.be/3V6qkicfHos
Një tjetër shkroi në platformën e mediave sociale: “Gëzimi im kur pashë këtë breshër në Bejrut për herë të parë në jetë zgjati vetëm disa minuta; dhe pastaj mendova për të gjithë ata që janë ende pa dyer, apo edhe shtëpi, gjatë një moti të tillë. ”
Një banor lokal shkruan në Twitter se skena dukej “apok*aliptike” dhe “si një film kata*strofe”.
Shpër*thimi i 4 gushtit i qindra tonë nitrat amoni të depozituara në portin e Bejrutit u mori jetën më shumë se 190 personave, pla*gosi mijëra të tjerë dhe shka*tërroi pjesë të mëdha të kryeqytetit.
Shpë*rthimi la dhjetëra mijëra apartamente të dëmtuara dhe rreth qindra mijëra banorë të zhvendosur përkohësisht.
Zyra e Kombeve të Bashkuara për Koordinimin e Çështjeve Humanitare vlerësoi në atë kohë se rreth 47,000 apartamente u dëm*tuan ose shkat*ërruan nga shpë*rthimi./TetovaNews
