Japonia ka shpallur gjendjen e jashtëzakonshme në Tokio dhe tre prefekturat fqinje për të ndaluar përhapjen e koronavirusit, pasi rastet e reja të përditshme u rritën duke shënuar një rekord prej më shumë se 7,000.
Qeveria tha se emergjenca do të zgjaste nga 8 janari deri më 7 shkurt në prefekturat e Tokios dhe Saitama, Kanagawa dhe Chiba, duke përfshirë rreth 30% të popullsisë së vendit.
Kufizimet do të përqendrohen në masat për të luftuar transmetimin në bare dhe restorante, të cilat qeveria thotë se janë fushat kryesore të rrezikut.
Kufizimet janë më pak të rrepta sesa ato të vendosura në të gjithë vendin në prill nën një emergjencë që zgjati deri në fund të majit, pasi qeveria kërkon të kufizojë dëmtimin e ekonomisë së tretë më të madhe në botë.
Masat përfshijnë mbylljen e restoranteve dhe bareve në orën 20:00, puna nga shtëpia dhe kufizimi i grumbullimeve dhe ngjarje të tjera të mëdha në 5,000 njerëz. /abcnews.al
