Ballina Aktualitet Ftesa e Grubit, tentim për të legalizuar pazaret për anulimin e regjistrimit!

Ftesa e Grubit, tentim për të legalizuar pazaret për anulimin e regjistrimit!

Shkruan: Arben Taravari

Thirja në çastet e fundit e Artan Grubit ishte vetëm një tentim dinak për të involvuar Aleancën për Shqiptarët dhe Alternativën në pazaret e tyre me LSDM-në dhe VMRO-në për ta ndërprerë dhe anukuar regjistrimin. Informatat tona flasin se B D I ka bërë edhe një herë kompromis të dhimbshëm në dëm të shqiptarëve, ngjashëm si në vitin 2012. Të gjithë e dëgjuam në të ashtuquajturat b o m b a se si B D I natën bënte pazare me partnerin e atëhershëm, VMRO-DPMNE-në dhe tanimë të gjithë shqiptarët e kanë të qartë se si është bërë edhe pazari më i ri, kësaj radhe me përfshirje edhe të LSDM-së.

Por, ne si Aleancë dhe Alternativë nuk do të lejojmë të bëhemi as legalizues të pazareve të tyre antishqiptare dhe as nuk do të heshtim para këtij s k a n d a l i. Kujtojmë edhe LSDM-në edhe B D I-në se pas ardhjes tonë në pushtet dhe pas reformimit të gjyqësorit nga bashkësia ndërkombëtare, nuk do të mund të shpëtoj siç shpëtuan Ahmeti dhe Gruevski nga procesi gjyqsor për regjistrimim e vitit 2012. Zoran Zaev e dëshmoi se nuk ka aspak dallim nga Nikolla Gruevski kur janë në pyetje shqiptarët, ndërsa B D I më së miri po e konfirmon pse e kanë ruajtur, amnestuar dhe ndihmuar deri më tani dy partitë maqedonase edhe atëherë kur e dënonin shqiptarët. Arsyeja edhe kësaj radhe është e njëjtë, frika nga numri real dhe përqindja reale e shqiptarëve në Maqedoninë e Veriut. Do të përgjigjeni edhe për këtë g o d i t j e që ua jepni shqiptarëve!