Gjithsej 1082 persona janë të shtrirë nëpër spitale për shkak të komplikimeve me coronavirusin.
Nga Ministria e Shëndetësisë thonë se ka rreth 340 shtretër spitalor të lirë në kovid-qendrat në të gjithë vendin, përcjell Telegrafi Maqedoni.
Vetëm në Shkup në 24 orët e kaluara janë hospitalizuar më shumë se 60 pacientë, ndërsa gjithsej janë 463. Deri sot në mëngjes ka pasur 50 shtretër të lirë në Shkup.
Nga MSH thonë se gjatë ditës bëhen statistika të pacientëve të shëruar, me çka do të ketë edhe shtretër shtesë të lirë.
Ndryshe, të gjitha departamentet në spitalet klinike disponojnë shtretër të lirë, ndërsa nga MSH thonë se nëse ka nevojë do të zgjerohen kapacitetet spitalore./Telegrafi/
