Që kur talibanët morën në kontroll Kabulin të dielën, e gjithë bota ka parë përpjekjen e dëshpëruar të shumë kombeve për të ndihmuar në evakuimin e qytetarëve të tyre dhe afganëve më të rrezikuar.
Deri më tani, vendi që ka strehuar më shumë afganë është SHBA-ja.
SHBA: Ka evakuuar më shumë se 5,200 njerëz deri më tani, përfshirë 2,000 në 24 orët e fundit. Uashingtoni është zotuar se do të evakuojë 22,000 afganë dhe 15,000 amerikanë që janë ende në vend.
Mbretëria e Bashkuar: Rreth 1,200 persona janë evakuuar që nga e diela përfshirë afganë. Vendi synon të strehojë rreth 1.000 persona në ditë
Gjermania: 900 persona që nga e diela, përfshirë 100 afganë
Franca: 209 persona, përfshirë 184 afganë
Spanja: 53 persona
Holanda: 35 persona- vendi synon të strehojë 1,000 punonjës afganë dhe familjet e tyre
Danimarka: 84 persona
Hungaria: 26 persona
Polonia : 50 persona
Republika Çeke: 46 persona
Japonia: 12 punonjës të ambasadës
Australia: 26 persona
India: 170 persona
Turqia: 552 persona
Zvicra: Pritet të strehojë 230 punëtorë afganë
Ndër vendet që pritet të strehojnë afganë janë Shqipëria edhe Kosova. Sipas një interviste të kryeministrit Edi Rama për mediat spanjolle, vendi pritet të strehojë 1 000 afganë brenda javës./abcnews.al
