Një pallat rezidencial është goditur nga bombardimet ruse, duke e lënë atë tërësisht të shkatërruar dhe duke shkaktuar një numër viktimash, i cili ende nuk është konfirmuar nga autoritetet lokale ukrainase.
Media e parë e cila e transmetoi lajmin dhe pamje nga vendi i ngjarjes, është BNO News, një agjenci lajmesh.
Një shtetase australiane, e cila jeton në Kiev, nga ana tjetër, ka dëshmuar për median amerikane ABC, se një pjesë e një krahu avioni është rrëzuar shumë pranë shtëpisë së saj. Situata është e përshkallëzuar së tepërmi pas vendimit të Vladimir Putin, për të nisur sulmin ndaj Ukrainës, në orët e vona të natës.
Ukraina ndërkohë, po bën të pamundurën të mbrohet, ku akti më i suksesshëm deri tani, është ai i rrëzimit të një avioni bombardues rus.
https://youtu.be/Tgk6X6thCS0
Ukraina gjendet në orët e saj më të vështira dhe të errëta teksa i gjithë vendi po goditet nga të gjitha anët.
Bombarduesit Strategjikë Ruse dhe Forcat Speciale Ruse kanë filluar operacionet ushtarake në Ukrainë.
Këto të fundit, u paralajmëruan në fragmentet e tyre të fundit nga presidenti rus Vladimir Putin.
Një situatë surreale, ku Kiev-i ka regjistruar deri më tani katër shpërthime në afërsi të saj.
https://youtu.be/upOH1YRhPJo
Mbi Belgorod u dëshmuan zhurmat e avionëve që kaluan. Sipas dëshmitarëve ato po fluturojnë drejt Kharkiv-it.
Kharkiv-i ka qenë zona për të cilën zyrtarët amerikanë kanë pretenduar gjatë se ka qenë në diskutim për t’u pushtuar.
Ai është një qytet me mbi 1.4 milionë banorë dhe është më e populluar se e gjithë Estonia.
Media ruse “Interfax” raporton se të shtëna me armë zjarri janë dëgjuar pranë aeroportit Boryspil të Kiev-it.
https://youtu.be/Uyb68aqjzbc
Ndërkaq që një zyrtar ukrainas zbuloi për “The Washington Post” rreth asaj zonte janë dëgjuar edhe shpërthime.
Dy shpërthime të forta janë raportuar edhe në Mariupol, në bregun e detit Azov.
Shpërthimet masive kanë tronditur edhe qytetin Berdyansk.
