Shqiptari Izbi Çaushi ka deklaruar se nuk donte ta vriste 47-vjeçarin greko-amerikan dhe se ishin takuar për t’u sqaruar për një sherr që kishte ndodhur vitin e kaluar.

Krimi ndodhi mëngjesin e së premtes së shkuar në një nga lagjet e qytetit të Kallamatës dhe dyshohet se ndodhi për larje hesapesh që lidhen me trafikun e drogës.

38-vjeçari shqiptar u arratis pas ngjarjes dhe u gjet nga policia mëngjesin e së mërkurës në një banesë të marë me qira nga një bullgar.

Ai u vendos në pranga pa bërë rezistencë. Izbi Çaushi u arrestua së bashku me 34-vjeçarin bullgar. Policia ka gjetur në dhomë 80 gramë hashash dhe ndaj të dyve është ngritur një akuzë për trafik droge.

Sipas informacioneve, 38-vjeçari shqiptar, i akuzuar për trafik kokaine, ka marrë përsipër vrasjen e “amerikanit” dhe ka pretenduar se 22-vjeçari i akuzuar si bashkëpunëtor i tij, thjesht donte të blinte 2 gram kokainë nga viktima.

Duke qenë se ishin miq, ata kanë shkuar së bashku për ta takuar 47-vjeçarin. Lidhur me armën e zjarrit të llojit pistoletë me të cilën u krye vrasja, shqiptari tregoi se e ka hedhur në det.

Një ditë më parë, 22-vjeçari shqiptar Aleksander Koto, ka deklaruar se organizoi takim me viktimën me pretendimin se donte t’i blinte një dozë kokaine.

Gjithashtu ka deklarur se nuk e dinte që Izbi Çaushi ka pasur armë me vete.

Arrestohet i burgosuri nga Maqedonia në Fushë-Kosovë, u arratis gjatë ditëve të pushim

Policia e Kosovës ka arrestuar një shtetas të Maqedonisë së Veriut në Fushë-Kosovë, që ishte arratisur në Kosovë gjatë ditëve të pushimit në burg.

Sipas Policisë, arrestimi i 28-vjeçarit u bë të mërkurën mbrëma, derisa zyrtarët policorë të Fushë-Kosovës po i ndërmarrin veprimet e duhura me Njësitin për Bashkëpunim Ndërkombëtar.

Arrestimi i personit me inicialet T.B., u krye në bashkëpunim me qytetarët e Fushë-Kosovës.

“Personi në fjalë ishte në kërkim nga autoritetet e Maqedonisë së Veriut, pasi që dyshohet se duke shfrytëzuar një pushim (ditë të caktuara) , të dhënë nga burgu, ku ai po vuante dënimin, është arratisur dhe strehuar në Republikën e Kosovës. Aktualisht zyrtarët policor Fushë Kosovës, po ndërmarrin të gjitha veprimet e nevojshme në koordinim me Njësitin për Bashkëpunim Ndërkombëtar dhe institucionet përkatëse, lidhur me procedimin e mëtejmë të personit të arrestuar”, thuhet në njoftimin policor.

Faleminderit qytetarëve për kontributin e vazhdueshëm dhe besimin në Policinë e Kosovës.

Kosovari tenton ta kalojë kufirin e Kroacisë me vizë të falsifikuar gjermane

Policia kufitare e Kroacisë ia ka ndaluar hyrjen në vend dhe në zonën Schengen një shtetasi kosovar, i cili u përpoq të mashtronte autoritetet me një vizë të falsifikuar gjermane, shkruan Index.hr.

Kosovari 30-vjeçar po udhëtonte me autobus dhe në pikën kufitare në Bajakovë iu kërkua pasaporta.

Pas kontrollit të hollësishëm të identitetit të dokumenteve, u konstatua se ai kishte një vizë gjermane të falsifikuar.

Ai është kthyer prapë, duke iu ndaluar hyrja në Kroaci dhe në zonën Schengen.

Operacion antidrogë në Itali dhe Shqipëri, 62 urdhërarreste

Një hetimi i nisur në vitin 2019 nga autoritetet shqiptare dhe italiane për një grup kriminal që trafikonte lëndë narkotike të llojeve të ndryshme, çoi në nxjerrjen e 62 urdhër-arresteve në dy shtete, raporton Klan. 4 milionë euro u sekuestruan si të krijuara nga aktiviteti kriminal. 21 prej të cilave në Shqipëri, 15 të ekzekutuara nga Policia e Shtetit, ndërsa operacioni u koordinua nga Eurojust dhe Europol.

Autoritetet shqiptare dhe italiane kanë pasur në përgjim telefonik dhe ambientale anëtarët e grupeve kriminale, siç është ky moment në videon e publikuar nga Europol dhe Eurojust.

Sipas drejtuesit të SPAK, Altin Dumani, i cili foli në konferencën e përbashkët me autoritetet italiane, ky aktivitet kriminal drejtohej nga 3 shqiptarë dhe baza në Shqipëri ishte qyteti i Durrësit.

Grupi kriminal trafikonte lëndë narkotike të kanabisit, kokainës dhe heroinës, teksa gjatë operacioneve të zhvilluara gjatë këtyre viteve u sekuestruan sasi të ndryshme.

Në Shqipëri nga përgjimet e kryera për këtë grup u zbuluan dhe dy afera korruptive me të përfshirë zyrtarë dhe aktor të sistemit të drejtësisë.

I pari që ra në pranga nga këto përgjime ishte ish-prokurori Edmond Karriqi dhe më pas u zbulua dhe tentativa e ish-zv/ministres së Brendshme Rovena Voda, për të ndërhyrë për një punësim në administratë.

Dyshohet se u transportua nga Shqipëria/ Kapet kamioni me 122 kg kokainë në Stamboll, arrestohet shoferi shqiptar(emri)

122 kilogramë kokainë janë sekuestruar ditën e sotme në Stamboll në një kamion, i cili dyshohet se e ka transportuar atë nga Shqipëria.

Bëhet me dije se është ndaluar drejtuesi i kamionit, shqiptari Fatmir Ferko.

Ekipet e policisë së Tekirdagut ishin udhëzuar në lidhje me këtë ngarkesë, të cilën e kanë vëzhguar para kapjes.

Çmontohen 16 kamera në rrugët e Vlorës, kontrolloheshin nga grupet kriminale

Pas Shkodrës, aksioni “Fijet” i policisë është shtrirë në Vlorë për të hequr kamerat vëshguese të vendosura në rrugët e qytetit nga kontigjentët kriminalë.

Kështu, policia ka hequr 16 kamera të lidhura me aparate celulare të shtetasve të ndryshëm. Këto kamera ishin instaluar në lagjet “Uji i Ftohtë”, “1 Maji”, “24 Maji”, “Lirim” dhe “Hajro Çakërri”.

Policia thotë se kamerat e sekuestruara ishin vendosur pa lejen përkatëse të organeve kompetente. Vendosja e tyre është në kundërshtim me ligjin 9887, të datës 10.03.2008 “Për mbrojtjen e të dhënave personale” dhe përbën veprën penale “Ndërhyrje të padrejta në jetën private”, që parashikohet nga neni 121 i Kodit Penal.

Në bashkëpunim me Prokurorinë pranë Gjykatës së Rrethit Gjyqësor Vlorë, vijon puna intensive për identifikimin e shtetasve që kanë instaluar këto kamera, si dhe për zbardhjen e plotë të qëllimit të vendosjes së tyre.

Kujtojmë se vetëm në Shkodër deri më tani policia ka çmontuar 59 kamera të vendosura pa leje në rrugët e qytetit që dyshohet se kontrolleshin me celular nga kontigjentët kriminalë. /tvklan.al

Vjedhje, mashtrim e dhunë, 11 persona të arrestuar në Tiranë për vepra të ndryshme penale

Specialistët për Hetimin e Krimeve të Komisariatit të Policisë Nr. 2 arrestuan shtetasit:

– E. K., 27 vjeç, banues në Tiranë, pasi ka tentuar të vjedhë një biçikletë;

– A. L., 42 vjeç, banues në Tiranë, pasi ka ushtruar dhunë ndaj një shtetasi (daja i tij).

Shërbimet e Komisariatit të Policisë Vorë kapën shtetasen në kërkim Shqiponja Krosi banuese në Tiranë, pasi Gjykata e Apelit Tiranë, e ka dënuar me 2 vjet e 4 muaj burgim, për veprën penale “Mashtrimi”. Kjo shtetase, gjatë kohës që ka administruar një agjenci turistike, ka përvetësuar shuma të konsiderueshme parash, duke mashtruar qytetarë të ndryshëm se do t’i pajiste me kontrata pune në vendet e BE-së.

Specialistët për Hetimin e Krimeve të Komisariatit Nr. 5 arrestuan shtetasit E. B., 20 vjeç, J. V., 20 vjeç dhe A. V., 19 vjeç, si dhe referuan materialet në Prokurori dhe nisi procedimi në gjendje të lirë për një 16-vjeçar, të katërt banues në Kamzë, pasi kanë vjedhur sasi nafte, në 2 automjete në pronësi të një subjekti privat. Pas verifikimeve të kryera për këtë rast, ka rezultuar se shtetasi E. B. kishte thyer masën e sigurisë “Arrest në shtëpi”.

Gjithashtu, po nga këto struktura u ndalua shtetasi A. Gj., 41 vjeç, banues në Kamzë, pasi Gjykata e Apelit Tiranë i ka caktuar masën e sigurisë “Arrest në burg”, për veprën penale “Vjedhja me dhunë”.

Specialistët për Hetimin e Krimeve të Komisariatit të Policisë Nr. 6 arrestuan shtetasin E. S., 39 vjeç, banues në Tiranë, pasi ka vjedhur një motomjet, në Kashar. Gjatë tentativës për t’u larguar, duke drejtuar motomjetin, në gjendje të dehur, ka humbur kontrollin mbi drejtimin e tij, dhe ka dalë nga rruga.

Specialistët për Hetimin e Krimeve të Komisariatit të Policisë Kavajë arrestuan shtetasin E. F., 53 vjeç, banues në Golem, pasi ka ushtruar dhunë ndaj babait të tij.

Specialistët e Qarkullimit Rrugor arrestuan shtetasit:

– E. Ll., 44 vjeç, banues në Tiranë, pasi u kap duke drejtuar automjetin, në gjendje të dehur;

– A. D., 27 vjeç, banues në Tiranë, pasi duke drejtuar automjetin, ka aksidentuar shtetasin H. D., 58 vjeç, i cili për pasojë, ndodhet në spital, në kujdesin e mjekëve.

Materialet i kaluan Prokurorisë, për veprime të mëtejshme procedurale.

Burri që e rrahu mëngjesin e sotëm, më pas e qëlloi dhe plagosi në bark vajzën 25-vjeçare nga Velesi, ia ka marrë jetën vetes , shkruan portali Batali.net. Pasditen e sotme policia e ka lokalizuar në banesën e tij, në një pallat, në rrugën Andon Shurkov nr. 27, pranë konviktit, ndaj në një aksion të madh ka tentuar ta arrestojë. Në këtë aksion policia përdori bomba tymuese dhe gaz lotsjellës .

Mirëpo, burri nuk ia ka lejuar vetes të arrestohet, ndaj pak para se policia të hynte në banesë është vetëvrarë. Batali.net shkruan se bëhet fjalë për 38-vjeçarin Z.T. i cili në fund të vitit 2008 vrau vëllain e tij dhe u dënua me 13 vjet burg./tetova.com

Një 25-vjeçare nga Velesi, me plagë në stomak nga arma e zjarrit, është dërguar sot herët në mëngjes në spitalin e Velesit, raportojnë mediat lokale.

Ngjarja është konfirmuar nga SPB Veles, ku thonë se burri i saj pa kurorë e ka qëlluar me armë zjarri.

– Sot në ora 07:47 në SPB Veles nga Emergjenca Mjekësore Veles është raportuar se tek ta është sjellë një grua 25 vjeçare me lëndime trupore të shkaktuara nga bashkëshorti i saj i pakurorëzuar. Po ndërmerren masa për zbardhjen e rastit, thonë nga SPB Veles.

Përveç plagës me armë zjarri, vajza kishte edhe lëndime të dukshme në fytyrë, që dukeshin si lëndime nga një rrahje, transmeton “Batali.net” . Portali shkruan se vajza është sjellë në gjendje të vetëdijshme por nuk ka pranuar t’u përgjigjet pyetjeve të mjekëve.

Vajza është transferuar për trajtim në Shkup.

– Në ora 08:30 është pranuar një vajzë e moshës 25 vjeçare me plagë nga arma e zjarrit në pjesën e poshtme të barkut, pas së cilës është dërguar në Qendrën Emergjente të Klinikave Kirurgjike në Shkup, tha Dr. Elena Klumova, zëdhënëse e spitalit të Velesit./tetova.com

Се самоуби човекот кој утрово ја претепа, па пукаше и ја рани во стомакот 25-годишната девојка од Велес,пишува порталот Батали.нет. Полицијата попладнево го лоцираше во неговиот стан, во зграда, на улица Андон Шурков бр. 27, во близина на Интернатот, па во голема акција, се обиде да го уапси. Во акцијата, полицијата употреби шок бомби и солзавец.

Сепак, човекот не дозволил да биде уапсен, па непосредно пред полицијата да влезе во станот, тој се самоубил. Батали.нет пишува дека се работи за 38-годишниот З.Т. кој на крајот на 2008 година го убил својот брат и бил осуден на 13 годишна затворска казна.

Lajme të tjera nga kronika:

Në rrjetet sociale është publikuar një video ku shihet një hajdut nga Velesi i kapur në flagrancë.

Në videon e kamerës së sigurisë së kasapit shihet njeriu duke marrë gjakftohtësisht paratë, ndërkohë që askush nuk po e shikon.

Vjedhja e pacipë, sipas njoftimit, ka ndodhur mbrëmjen e djeshme, teksa kasapi punonte në ambientin e pasëm dhe nuk shikonte arkën.

Sipas komenteve në rrjetet sociale, bëhet fjalë për një hajdut të njohur nga qyteti, i cili është kapur shumë herë më parë duke vjedhur, por policia e ka ndaluar dhe e ka lënë të lirë./tetova.com

https://youtu.be/jIeq8qSYzGc

Lajme të tjera nga kronika:

Kapet tetovari që kishte ikur nga Burgu i Idrizovës, zbulohet se gjatë arratisë i kishte marrë jetën një 64-vjeçari nga Shkupi

Policia ka bërë sot kallëzim penal ndaj personit me inicialet F.U. (39) nga Tetova për shkak të dyshimit të bazuar për veprën penale “Vrasje”.

Tetovari dyshohet se më 29 dhjetor të vitit të kaluar, në Rr. “1737” në Shkup, me përdorim të një lënde të mprehtë – thikë ka vrarë personin me inicialet A.D. (64) nga Shkupi.

– Gjegjësisht, pas raportimit se në një shtëpi të braktisur në rrugën “1737” në Shkup është gjetur një person i vdekur me lëndime të dukshme, janë ndërmarrë masa dhe veprime nga ana e zyrtarëve policorë të NJKDH – DKGJS në SPB. Shkup, janë siguruar provat materiale dhe identiteti i autorit të krimit F.U. (personi i cili është i dënuar dhe është dashur të vuajë dënimin me burg në Idrizovë, por në atë periudhë ka qenë në arrati). F.U. është ndaluar nga zyrtarët policorë nga SPB Shkup dhe është dërguar në Burgun e Idrizovës, ndërsa në intervistën zyrtare ka pranuar veprën penale, njofton MPB.

Për kujtesë, mediat më 30 dhjetor informuan se në orët e mëngjesit, në një shtëpi të braktisur afër rrugës së Avoketërve („Адвокатската улица“) në qendër të Shkupit është gjetur një person i vdekur me lëndime të dukshme./tetova.com

Lajmet e kronikës së zezë

Tridhjetë e një vjeçarja nga Tetova, dje (24 janar), në orën 20:30 në SPB Tetovë ka raportuar se ish-bashkëshorti i saj ,me të cilin nuk kanë qenë të kurrorëzuar M.B. (42) nga Tetova e ka sulmuar fizikisht dhe e ka kërcënuar.

Rasti është zbardhur dhe dokumentuar.

Dje (24 janar), rreth orës 14:25 minuta, zyrtarët policorë të SPB Tetovë kanë privuar nga liria 38-vjeçarin D.P. nga Tetova i cili një orë e gjysmë më parë është raportuar nga bashkëshortja e tij 37-vjeçare, se sillej në mënyrë agresive në shtëpinë e tyre familjare dhe se e kishte kërcënuar. Ai është ndaluar në Stacionin Policor Tetovë për zbardhjen dhe dokumentimin e rastit.

Dje (24 janar), rreth orës 16:30, zyrtarët policorë të SPB Tetovë-Departamenti i Punëve të Brendshme Gostivar, kanë privuar nga liria 19-vjeçarin A.S. nga Banjica e poshtme e Gostivarit. Ai është raportuar nga 18-vjeçari S.B. se rreth orës 16:00 në rrugën “Zhivko Brajkovski” në Gostivar, së bashku me një person tjetër, kanë sulmuar fizikisht personin S.B. dhe dy nga shokët e tij.

Sipas raportit, dy sulmuesit kanë përdorur edhe një objekt të mprehtë, por nuk i kanë lënduar të sulmuarit. Po merren masa për zbardhjen dhe dokumentimin e rastit, pas së cilës do të vijojnë denoncimet ndaj personave të përfshirë.

Dje (24 janar) rreth orës 12:15 minuta, zyrtarët policorë të SPB-Tetovë, me urdhër të gjykatës kanë ndaluar 36-vjeçarin F.H. nga Tetova, për vuajtje të dënimit me burg në burgun e Tetovës, ku së menjëherë u dërgua.

Tridhjetë e nëntë vjeçari N.P. nga Shkupi, dje (24 janar), në orën 12:00 në SPB-Tetovë ka raportuar se rreth orës 09.00, në rrugën “121” në Tetovë është kafshuar nga një qen i pastrehë.

Video bonus:

https://youtu.be/TIv2Fk1HVPE?list=PLxx09aT_r7Iqv3_D4CycgRitWHymD8H2p

Aksident i rëndë ka ndodhur në Tetovë, ku është përplasur një i ri nga Llërca.

Njoftimi i SPB – Tetovë:

Dje (23 janar), në ora 20:55, në SPB-Tetovë është raportuar se në kryqëzimin e rrugëve “Iliria” dhe “Jane Sandanski” në Tetovë, vetura “Volkswagen Golf” me targa të Tetovës, e drejtuar nga 20-vjeçari A.J. nga Reçica e Vogël e Tetovës, ka përplasur këmbësorin 18-vjeçar me inicialet E.A. nga Llërca e Tetovës. Në aksident këmbësori ka pësuar lëndime të rënda trupore, të cilat janë konstatuar në Spitalin Klinik të Tetovës.

Ekipi nga SPB Tetovë ka kryer këqyrje të vendit të aksidentit.

Lajme të tjera nga kronika:

Njëzet e tetë vjeçari V.B. Nga një fshat i Gostivarit dje (23 janar), në ora 19:30, në SPB Tetovë ka raportuar se rreth orës 16:10, është sulmuar fizikisht nga vëllai i tij 30-vjeçar V.B.

Sipas raportit, sulmuesi ka përdorur edhe një mjet të fortë.

Po merren masa për zbardhjen dhe dokumentimin e rastit.

Dyzet e tre vjeçarja A.E. nga Tetova, dje (23 janar), në ora 18:15 në SPB Tetovë ka raportuar se është kafshuar nga një qen i pastrehë në rrugën “Bllagoja Toska” në Tetovë.

Dje (23-janar) rreth orës 16:50, në rrugën e “Ilindenit” në Gostivar, në oborrin e një subjekti juridik, zyrtarët policorë të SPB Tetovë – Departamenti i Punëve të Brendshme Gostivar, kanë ndaluar 56- vjeçari A.A. nga Republika e Turqisë, gjatë kontrollit në mjetin ngarkues “daf” me rimorkio të cilën e kishte drejtuar është gjetë personi M.A.(24) nga Siria. Shtetasi sirian më pas është dërguar në trazit-Qendrën për të huaj në Shkup. Rasti është zbardhur dhe dokumentuar.

Dje mbrëma (23-janar) rreth orës 23:40, zyrtarët policorë të SPB Tetovë-Departamenti i Punëve të Brendshme Gostivar kanë privuar nga liria 74-vjeçarin D.M. nga një fshat i Gostivarit, për të cilin paraprakisht ishte raportuar se kishte sulmuar fizikisht gruan e tij 72-vjeçare dhe kishte tentuar ta sulmojë me një mjet të fortë djalin e tij 48-vjeçar.

Ai është ndaluar në Stacionin Policor-Gostivar për zbardhjen dhe dokumentimin e plotë të rastit, pas së cilës do të përpilohet parashtresë përkatëse.

Me datë 22.01.2023 në ora 10:45 para një lokali hotelierik në rrugën “Iliria” në Tetovë, zyrtarë policorë nga SPB Tetovë kanë privuar nga liria personin K.V. (28) nga Tetova. Ai dyshohet se ka marrë para nga portofoli i një personi në lokalin hotelierik. Paratë e vjedhura i janë gjetur dhe i janë kthyer pronarit, ndërsa personi është ndaluar në komisariat. Pas dokumentimit të plotë të rastit ndaj tij do të përgaditet kallëzimi përkatës.

Me datë 22.01.2023 në ora 23:14, zyrtarët policorë nga Stacioni Policor për Siguri në Komunikacionin Rrugor-Tetovë, kanë ndaluar personin S.M. (50) nga Bërvenica e Tetovës i cili është sjellë me agresivitet ndaj tyre gjatë kryerjes së veprimeve zyrtare. Ai është ndaluar në komisariat dhe pas dokumentimit të rastit do të vijojë parashtresa përkatëse.

Me datë 23.01.2023 në ora 00:15 në rrugën e “Ilindenit” në Gostivar, zyrtarë policorë nga Stacioni Policor i Gostivarit kanë ndaluar perwonin Sh.S.(26) nga Vrapçishti i Gostivarit për shkak se është sjellë në mënyrë agresive ndaj policëve të cilët po kryenin veprime zyrtare. Ai është ndaluar në komisariat dhe pas dokumentimit të rastit do të vijojë parashtresa përkatëse.

Më datë 22.01.2023 në ora 22.25 në SPB-Tetovë, 74-vjeçarja E.K. nga Tetova ka raportuar se është kafshuar nga një qen endacak në rrugën “Andrea Jovanovski-Zurçin” në Tetovë.

Më 22.01.2023 në periudhën nga ora 08:00 deri në ora 20:00 në zonën e SPB-Tetovë, zyrtarët policorë nga SPB-Tetovë kanë kryer një kontroll aksion për sanksionimin e drejtuesve të mjeteve që drejtojnë automjete me shpejtësi më të madhe se shpejtësia e lejuar. Njëkohësisht jashtë vendbanimit janë konstatuar 44 kundërvajtje (TE-35 dhe GV-9), prej të cilave 30 për shpejtësi deri në 50 kilometra në orë dhe 20 (TE) janë kundërvajtje në vendbanim. Gjithashtu, janë konstatuar edhe 11 lloje të tjera të shkeljeve (TE-4 dhe GV-7). Për shkelësit janë përgaditë parashtresa përkatëse.

SPB-Tetovë edhe një herë apelon tek shoferët që të respektojnë rregullat dhe rregulloret e komunikacionit dhe të rregullojnë shpejtësinë sipas kushteve të rrugës dhe të kenë kujdes të veçantë në vendet më të larta, pra në rrugët që çojnë në drejtim të Strazhës, Mavrovës dhe Kondrës së Diellit, ku ka edhe borë.

Video bonus:

Një ngjarje e rëndë ka ndodhur në një dyqan në Tetovë

Më datë 20.01.2023, në ora 12:00, Z.T.(42) nga Tetova ka raportuar se rreth orës 10:00 në një dyqan në Tetovë është sulmuar fizikisht nga S.S. nga Tetova.

Rasti është duke u zbardhur.

Mbrëmë, në ora 22.45 në Tetovë, zyrtarë policorë nga SPB Tetovë kanë privuar nga liria A.N.(31) nga Shtipi me vendqëndrim të përkohshëm në Tetovë, e cila me vendim të gjykatës është kërkuar të vuajë dënimin me burg.

Ajo është dorëzuar në Burgun e Idrizovës – Shkup.

Një 25-vjeçare nga Reçica e Vogël e Tetovës, dje rreth orës 21, është privuar nga liria pasi në zotërim i është gjetur marijuanë.

– Punonjësit policorë të SPB-Tetovë, mbrëmë rreth orës 21:00 në afërsi të një objekti hoteliere në Tetovë kanë privuar nga liria 25-vjeçaren, pas së cilës do t’i përpilohet parashtresa përkatëse nga neni 215 i Kodit Penal, njofton MPB-ja e Tetovës.

Lajme të tjera nga kronika:

Një ngjarje e papëlqyeshme ka ndodhur në Zhelinë

Dje (19 janar), në orën 09:00, 37-vjeçari I.F. nga Tetova në SPB Tetovë ka raportuar se një ditë më parë, rreth orës 11:30, në ndërmarrjen ku ai punonte në Zhelinë të Tetovës, është sulmuar fizikisht nga 47-vjeçari Sh.H., gjithashtu nga Tetova, përndryshe punonjës tek e njejta kompani.

Po merren masa për zbardhjen dhe dokumentimin e rastit, pas së cilës kundër Sh.H. do të përgatitet parashtresë përkatëse.

Lajme të tjera nga kronika:

Me datë 18.01.2023, në ora 22:30 në Sanakos të Gostivarit, punonjësit policorë nga SPB Tetovë – DPB Gostivar janë privuar nga liria personat L.I.(29) dhe D.R.(29), të dy nga Piroku i Tetovës, pasi që gjatë kontrollit të kryer tak ata është gjetë dhe konfiskuar marijuanë. Personat janë ndaluar në Komisariat për procedim të mëtejshëm, pas së cilës do të vijojë parashtresa përkatëse.

Sot (19.01.2023) në ora 00:45 në Sanakos të Gostivarit, zyrtarë policorë nga SPB Tetovë – DPB Gostivar, kanë privuar nga liria personin I.J. (32) nga Sanakosi. Gjatë bastisjes së kryer me urdhër të gjykatës në një shtëpi dhe ambiente të tjera ndihmëse ku banon I.J. janë gjetë dhe konfiskuar tre qese me paketime të vogla individuale me marijuanë dhe një peshore dixhitale. Personi është ndaluar në komisariat për procedim të mëtejshëm, pas së cilës do të vijojë parashtresa përkatëse.

Me datë 18.01.2023, në ora 14:50, zyrtarë policorë nga DPB-Gostivar në një supermarket në rrugën e “Ilindenit” në Gostivar kanë privuar nga liria S.Sh.(36) nga Gostivari. Ajo ishte kapur duke kryer veprën penale “vjedhje e rëndë”.
S.Sh. është ndaluar në komisariat për procedim të mëtejshëm dhe pas dokumentimit të rastit ndaj saj do të përgatitet parashtresë përkatëse.

Me datë 18.01.2023, në ora 01:25 në SPB Tetovë është raportuar se në rrugën “Strasho Pinxhur” në Tetovë është kapluar nga zjarri vetura “Volkswagen sharan” me targa të Shkupit, në pronësi të K.S. (72) nga Shkupi. Nuk ka persona të lënduar, ndërsa zjarri me intervenim të ekipit Territorial Zjarrfikës të Tetovës, është lokalizuar menjëherë.

Me datë 18.01.2023, në ora 12:50 në SPB Tetovë, një 24 vjeçare nga rrethina e Tetovës ka raportuar se në periudhën kohore prej datës 24.08.2021 deri në gusht 2022 është mashtruar në disa raste nga një grua me iniciale A.A., e cila ishte prezantuar si juriste. Sipas kallëzimit, ajo e kishte bindur në mënyrë të rreme se do ta ndihmonte në procedurat gjyqësore, për të cilën i ka kërkuar dhe ka marrë rreth 105 mijë euro. Siç raportohet, ajo ka mësuar për mashtrimin nëpërmjet një personi të tretë që A.A. nuk ishte fare avokate dhe nuk kishte bërë asnjë ankesë në gjykatë.
Po merren masa për zbardhjen e rastit.

Zyrtarët policorë të SPB Tetovë, më 17 janar, rreth orës 20:55, në Reçicë të vogël të Tetovës, kanë privuar nga liria 37-vjeçarin H.E. nga ky fshat për vuajtje të dënimit me burgim prej një viti, pas së cilës është dërguar në burgun e Tetovës.

Më 17-janar, rreth orës 10:30, në Tearcë të Tetovës, zyrtarët policorë të SPB-Tetovë kanë ndaluar 25-vjeçarin E.M. nga ky fshat për të vuajtur dënimin me burg. Menjëherë, E.M. është dorëzuar në burgun “Idrizovë” në Shkup.

Më 17-janar, rreth orës 21:30, në rrugën “Radovan Coniç” në Tetovë, zyrtarët policorë të SPB Tetovë kanë privuar nga liria 24-vjeçarin E.E. nga Tetova për arsye se gjatë gjatë kontrollit të kryer ndaj tij është gjetur marijuanë. I njëjti është ndaluar në Stacionin Policor Tetovë për zbardhjen dhe dokumentimin e rastit.

Zyrtarët e policisë të SPB-Tetovë, më 17-janar, rreth orës 18:15, në bllokun 82 në Tetovë, kanë privuar nga liria personat R.T.(23), E.L.(18), F.R.(20) dhe një 17-vjeçar nga Tetova, si dhe personin E.D.(22) nga Bozovca e Tetovës, ku gjatë kontrollit të tyre është gjetur marijuanë. Të gjithë janë ndaluar në Stacionin Policor Tetovë, për zbardhjen dhe dokumentimin e rastit, pas së cilës do të përgatiten parashtresat përkatëse.

Gjashtëdhjetë e katër vjeçari N.S. nga Korita e Gostivarit, më 17 janar, në ora 12:10 në SPB Tetovë ka raportuar se rreth orës 09:30 në rrugën “Momir Markovski” në Gostivar është sulmuar fizikisht nga tre persona nga Gostivari. Po merren masa për zbardhjen dhe dokumentimin e rastit.

Njëzet e tetë vjeçari A.D. nga Strajani i Gostivarit, më 18 janar, në ora 02:20 në SPB-Tetovë ka raportuar se rreth orës 01:00 para një lokali në rrugën “Zhivko Brajkovski” në Gostivar, bashkë me vëllain e tij janë sulmuar fizikisht nga personi E.R.(34) nga Gostivari. Pak më vonë, E.R. ka raportuar se më herët dy vëllezërit janë sjellë në mënyrë agresive dhe e kanë kërcënuar me një send të mprehtë. Rasti është zbardhur dhe dokumentuar.

Më 18 janar, dhjetë minuta pas mesnate, në SPB-Tetovë është raportuar se në rrugën rajonale Kodra e Diellit-Tetovë, në afërsi të fshatit Lisec, “Volkswagen Passat” me targa të Shkupit e drejtuar nga 20-vjeçari B.I. nga Kopanica e Shkupit, ka dalë nga rruga. Në aksident lëndime të rënda ka pësuar një pasagjer i mitur nga i njëjti fshat, që janë konstatuar në Spitalin Klinik të Tetovës. Një ekip nga SPB-Tetovë ka kryer këqyrje të vendit të aksidentit.

Bastisje në Shipkovicë, gjendet një sasi e madhe armësh dhe municioni, një person është arrestuar (VIDEO)

Bastisje në Shipkovicë, gjendet një sasi e madhe armësh dhe municioni, një person është arrestuar

Sot (19.01.2023) nga zyrtarë policorë të Departamentit të Policisë Kriminale – Sektori për Trafikim të Paligjshëm të Drogave, Armëve dhe Lëndëve të Rrezikshme dhe SPB-Tetovë, në rrugën “Pollog”, është privuar nga liria personi me inicialet U.M.(34) nga Shipkovica e Tetovës.

Gjatë kontrollit të makinës së tipit “Opel Astra” me targa regjistrimi të Tetovës, të cilën ai e drejtonte, iu gjet një pushkë automatike dhe 50 fishekë “Luger” të kalibrit 9 mm. Gjatë kontrollit, të kryer me urdhër të gjyqtarit të procedurës paraprake të Gjykatës Themelore të Tetovës, në shtëpinë e tij u gjetën 237 fishekë të kalibrit 9 mm, një sasi e madhe municionesh të kalibrave të ndryshëm, një pistoletë “Crvena Zastava” 7.62 mm me kornizë me plumba, një pistoletë “Glock 17” me kornizë me fishekë 9 mm, pistoletë me gaz, një pushkë gjysmë automatike “Khan Аrms” me 5 gëzhoja.

SPB – Tetovë gjatë ditës së nesërme do të paraqesë kallëzim penal për vepër penale të kryer sipas nenit 396 të Kodit Penal në Prokurorinë Publike Themelore në Tetovë./tetova.com