Mediat britanike raportojnë se mbreti Charles ka dëbuar Princin Harry dhe Meghan Markle nga Frogmore Cottage, nga shtëpia e tyre e vetme në Mbretërinë e Bashkuar.
Pallati Buckingham lëshoi një njoftim dëbimi për Dukën dhe Dukeshën e Sussex-it disa ditë pasi libri i Harryt, “Spare”, në të cilin ai publikoi një sërë pretendimesh të bujshme kundër Familjes Mbretërore nisi shitjet në Mbretërisë së Bashkuar në janar, sipas The Sun.
Sipas tyre Pallati dëshiron të zëvendësojë çiftin me Dukën e York, Princin Andrew, të cilit thuhet se mund t’i jenë ofruar çelësat e Frogmore javën e kaluar. Raportohet se Andrew po e refuzon këtë lëvizje, por thuhet se Harry dhe Meghan do të detyrohen të largohen nga vila dhe të përfundojnë plotësisht zhvendosjen e tyre në SHBA, pavarësisht vendimit të Andrew.
Një burim i brendshëm mbretëror i tha The Sun për lëvizjen: ‘Kjo do të shënojë me siguri fundin e kohës së Harry dhe Meghan në Mbretërinë e Bashkuar.
Edhe pse Andrew po i reziston idesë për t’u transferuar në Frogmore Cottage, kjo tregon se Harry dhe Meghan janë të pafuqishëm për të ndaluar dëbimin e tyre drejt SHBA-së.
