Si përgjigje ndaj trazirave të fundit në veri të Kosovës, dhe lëndimit të 30 pjesëtarëve të misionit të NATO-s në Kosovë (KFOR), në atë pjesë, aleanca veri-atlantike ka marrë vendim për angazhim të Forcës Operacionale Rezervë për Ballkanin Perëndimor, e cila ka qenë në gjendje gatishmërie për angazhim.
NATO-ja e ka bërë të ditur këtë vendim, përmes një postimi në Twitter.
Pjesëtarë të KFOR-it janë përleshur të hënën, 29 maj, me protestuesit serbë në Zveçan, të cilët kanë kundërshtuar hyrjen e kryetarit të ri shqiptar në ndërtesën komunale.
“NATO dislokon forca shtesë në Forcën e Kosovës. Në përgjigje të trazirave të fundit dhe plagosjes së 30 anëtarëve të Forca e NATO-s në Kosovë, NATO ka drejtuar vendosjen e Rezervës Operative Forcat (ORF) për Ballkanin Perëndimor, e cila ishte në gatishmëri shtatë ditore për t’u vendosur statusi”, thuhet në njoftimin e Aleancës.
