Princi dhe kryeministri saudit, i cili erdhi në pushtet në moshën 31-vjeçare – ai tani është 38 – ka nisur një plan energjie që duhet ta sjellë vendin në zero emetime deri në vitin 2060 dhe ka investuar miliarda për të tërhequr yjet e futbollit. Po të drejtat? Për të demokracia është “humbje kohe”…
Mohammed bin Salman, 38 vjeç, është trashëgimtari i mbretit Salman, i cili u bë mbret i Arabisë Saudite në vitin 2015 dhe tani është 87 vjeç. Muhamedi, i mbiquajtur “Z. Gjithçka” për aktivizmin e tij nga Mbrojtja te Ekonomia dhe i quajtur me shkurtesën Mbs, erdhi në pushtet në vitin 2017, kur ishte vetëm 31 vjeç, duke rrëzuar kushëririn e tij Mohammed bin Nayaf, i cili ishte i destinuar për në fron. Ai është i diplomuar për Drejtësi.
Princi u martua me Sara bint Mashour al Saud në vitin 2008: ata kanë pesë fëmijë, tre djem dhe dy vajza: Salman, Mashur, Fahda, Noura dhe Abdulaziz, i lindur në vitin 2021. Ai ka hequr dorë nga poligamia.
Mbs pëlqen të citojë kryeministrin anglez Winston Churchill dhe gjeneralin dhe filozofin kinez Sun Tzu për të shpjeguar politikat e tij. Ai nisi menjëherë një plan reforme të quajtur “Vizioni 2030”, duke u fokusuar ndër të tjera në diversifikimin e ekonomisë: objektivi është të reduktohet nevoja për hidrokarbure me 50% deri në vitin 2030 duke shfrytëzuar burimet e rinovueshme, përfshirë hidrogjenin, dhe duke e çuar vendin në zero emetime deri në vitin 2060.
Më 28 nëntor, Arabia Saudite fitoi garën për të fituar Expo 2030 me 119 vota nga 165 (Busani i Koresë së Jugut doli në vendin e dytë dhe Roma doli e treta, me vetëm 17 vota). I bindur se sporti është një nga temat kryesore të fuqisë së butë për ta sjellë vendin në qendër të skenës botërore, Mbs ka nisur prej kohësh një lloj diplomacie futbolli (dhe jo vetëm). Krahas “regjistrimit” të Cristiano Ronaldos, solli në Riad Roberto Mancinin, ish-trajnerin e kombëtares sonë dhe tashmë në krye të atij saudit. Më shumë kampionë janë rrugës falë miliarda investimeve.
Princi hapi stadiume për gratë dhe autorizoi kinematë, të cilat ishin të ndaluara që nga vitet 1970. Ai i dha mundësinë popullatës femërore të drejtonte makina, por në të njëjtën kohë burgosi aktivistë të të drejtave historike.
Më 2 tetor 2018, gazetari i Ëashington Post Jamal Khashoggi u vra në konsullatën saudite në Stamboll nga 15 agjentë të ardhur nga Riadi në avionë privatë. Faji i tij: ka kritikuar disa nga reformat e nisura nga princi dhe ka denoncuar marrëdhëniet e errëta të shtëpisë mbretërore. Tetë burra u dënuan, por një raport i CIA-s i vitit 2021 zbuloi se princi ishte nxitësi.
Prej disa kohësh, që prej presidencës së Obamës, amerikanët kanë filluar t’i shikojnë sauditët me interes, pavarësisht se princi gjithmonë zbaton një shtypje brutale të mospajtimit. Marrëdhënie të mira me Trump dhe me dhëndrin e tij Jared Kushner, në shtator shtrëngimi i duarve me Joe Biden.
Corriere Della Sera
