Kronika 12 dhjetor 2023
Njoftimet e policisë
Mbrëmë (11 dhjetor), në ora 23:00, zyrtarët policorë të SPB-Tetovë kanë arrestuar dy persona të moshës jomadhore nga Xhepçishti i Tetovës, të cilët paraprakisht ishin denoncuar nga 56-vjeçari I.I. nga Poroji i Tetovës se rreth orës 21:30 në fshat kanë sulmuar fizikisht djalin e tij të moshës jomadhore. Sipas raportit, njëri prej tyre ka përdorur edhe një mjet metalik. Rasti është duke u zbardhur dhe dokumentuar, pas së cilës ndaj dy të rinjve të raportuar, do të përgatiten parashtresat përkatëse.
Mbrëmë (11 dhjetor) në ora 22:00, në SPB-Tetovë janë dorëzuar personat I.S.(18) dhe M.I.(31) nga Reçica e Madhe e Tetovës. Të dy janë denoncuar në ora 13:00 nga 44-vjeçari A.B. nga Reçica e Vogël e Tetovës, se rreth orës 09:00, ai, vëllai i tij A.B. (33) dhe djali i tij i mitur kanë qenë të sulmuar fizikisht në objektin e tij hotelierik në rrugën e “Ilindenit” në Tetovë. Rasti është duke u zbardhur dhe dokumentuar dhe ndaj tyre do të vijojnë parashtresë përkatëse.
Mbrëmë (12-dhjetor) rreth orës 02:55, në ambientet e Emergjencës së Gostivarit, zyrtarët policorë të SPB-Tetovë kanë ndaluar 52-vjeçarin Xh.R. nga Skudrinja e Rekës së Poshtme, i cili ka prishur rendin dhe qetësinë publike. Ai është ndaluar në Stacionin Policor të Gostivarit dhe ndaj tij do të përgatitet parashtresë në bazë nenit 6 të Ligjit për kundërvajtje kundër rendit dhe qetësisë publike.
Pesëdhjetë vjeçari E.T. nga Gostivari, dje (11-dhjetor) në ora 15:40 në SPB Tetovë ka raportuar se rreth orës 11:00 në objektin e tij afarist në rrugën “18 Nëntori” në Gostivar është sulmuar fizikisht nga një person të cilin e njihte. Në sulm, sipas raportit, ai ka përdorur edhe një mjet metalik. Po merren masa për zbardhjen dhe dokumentimin e rastit.
