Dy persona nga Tirana janë asfiksuar nga gazi në një hoteli në Maliq ku ishin akomoduar, duke i kushtuar jetë njërit prej tyre.
Policia bën me dije se ka ndërruar jetë shtetasi Bexhet Tresa, 56 vjeç, ndërsa shtetasja me iniciale E. N., 49 vjeçe, ndodhet jashtë rrezikut për jetën.
Ata u dërguan të dy në spital, por fatkeqësisht 56-vjeçari nuk arriti të mbijetonte dhe ndërroi jetë.
“Mëngjesin e sotëm, në një hotel në qytetin e Maliqit, dyshohet se për shkak të rrjedhjes të gazit nga bombola për ngrohjen e dhomës ku ishin akomoduar, janë asfiksuar shtetasi B. T., 56 vjeç dhe shtetasja E. N., 49 vjeçe, banues në Tiranë. Të dy shtetasit u dërguan për ndihmë mjekësore, në spitalin e Korçës, ku 56-vjeçari ka humbur jetën, ndërsa shtetasja E. N. ndodhet jashtë rrezikut për jetën. Grupi hetimor po punon për sqarimin e rrethanave të ngjarjes”, tha policia.
