Irani ka nisur një sulm kundër Izraelit me dhjetëra dronë. Dronët vlerësohet se kërkojnë disa orë për të kaluar një distancë të tillë, sipas faqes së lajmeve Axios.
Nuk ka asnjë deklaratë të menjëhershme nga IDF për sulmin.
Irani ka kërcënuar se do të sulmojë Izraelin për vrasjen e shtatë anëtarëve të IRGC-së, përfshirë dy gjeneralë, në Damask të Sirisë javën e kaluar.
Fluturime për në Tel Aviv nga Tajlanda janë kthyer pas, pas sulmit të parashikuar nga Irani.
Kryeministri Benjamin Netanyahu tha më parë se Izraeli është gati për një sulm të drejtpërdrejtë nga Irani dhe do të përgjigjet në të njëjtën mënyrë.
“Qytetarët e Izraelit, në vitet e fundit, dhe aq më tepër në javët e fundit, Izraeli është përgatitur për mundësinë e një sulmi të drejtpërdrejtë nga Irani”, thotë kryeministri në një deklaratë video.
“Sistemet tona të mbrojtjes janë të vendosura dhe ne jemi të përgatitur për çdo skenar, si në mbrojtje ashtu edhe në sulm. Shteti i Izraelit është i fortë, IDF është i fortë, populli është i fortë.”
“Ne e vlerësojmë SHBA-në për qëndrimin në krah të Izraelit, si dhe mbështetjen e Britanisë së Madhe, Francës dhe shumë vendeve të tjera.”
“Kam vendosur një parim të qartë – kushdo që na lëndon, ne do t’i lëndojmë ata. Ne do të mbrohemi nga çdo kërcënim dhe do ta bëjmë këtë me qetësi dhe vendosmëri”.
“E di që edhe ju, qytetarët e Izraelit, po ruani qetësinë. Ju bëj thirrje që të dëgjoni direktivat e Komandës së Frontit të Brendshëm.”
“Së bashku qëndrojmë dhe me ndihmën e Zotit, së bashku do të mposhtim të gjithë armiqtë tanë”, thotë Netanyahu.
Izraeli është në “gatishmëri të lartë” për “agresionin iranian”, tha zëdhënësi i Forcave të Mbrojtjes të Izraelit, Daniel Hagari në një deklaratë video të publikuar të shtunën.
“Irani financon, trajnon dhe armatos përfaqësuesit e terrorit në të gjithë Lindjen e Mesme dhe më gjerë”, ka thënë Hagari, duke pretenduar se vendi është “sponsorizuesi më i madh shtetëror në botë i terrorit”.
Hagari tha se Irani do të “mbartë pasojat nëse zgjedh të përshkallëzojë situatën më tej”, duke shtuar se Izraeli ka rritur gatishmërinë e tij kundër “agresionit të mëtejshëm iranian; ne jemi gjithashtu të përgatitur të përgjigjemi”.
Në orët e hershme të mëngjesit të së shtunës, Marina e Gardës Revolucionare të Iranit (IRGC) kapi një anije mallrash në një “operacion me helikopter pranë ngushticës së Hormuzit”, sipas agjencisë shtetërore iraniane të lajmeve IRNA.
Ministri i Punëve të Jashtme të Izraelit, Israel Katz tha në një postim në X se anija mallrash “e kapur” nga Irani i përket “një anëtari të BE-së”, duke i bërë thirrje “Bashkimit Evropian dhe botës së lirë që menjëherë të shpallin trupat e Gardës Revolucionare iraniane si një organizatë terroriste dhe për të sanksionuar Iranin tani”.
Ndryshe, Irani është zotuar se do të hakmerret kundër Izraelit për një sulm vdekjeprurës në konsullatën e tij në Siri.
Shtetet e Bashkuara aktualisht presin që Irani të kryejë sulme kundër objektivave të shumta brenda Izraelit dhe se përfaqësuesit iranianë mund të përfshihen gjithashtu në kryerjen e sulmeve, thonë burimet, në atë që do të shënonte një përshkallëzim të madh
URGENTE l LA 3ª Guerra Mundial HA COMENZADO OFICIALMENTE. Los aviones de combate británicos con base en Chipre han comenzado a ayudar a interceptar misiles iraníes y drones disparados desde Irán contra Israel. pic.twitter.com/lxVZxsakEt
— Reacción Nacional (@RNacional_News) April 13, 2024
