Përgjigja e Izraelit ndaj sulmit të Iranit duhet të “trondisë Teheranin” për të penguar Iranin nga sulmet e ardhshme, tha ministri i Financave i Izraelit, Bezalel Smotrich.
Smotrich tha se përgjigja e Izraelit ndaj sulmit me raketa dhe dron të Iranit duhet ta bëjë Teheranin “të pendohet në momentin që mendoi të sulmonte”.
Duke folur për Radion e Ushtrisë së Izraelit (GLZ), ai tha gjithashtu se natyra e përgjigjes së Izraelit do të “formësonte pozicionin e vendit të tij në Lindjen e Mesme.
Përgjigja, “duhet të tronditë Teheranin në mënyrë që të gjithë atje të kuptojnë se nuk duhet të ngatërrohen me ne,” tha ai sipas CNNi, duke shtuar se “kjo është gjuha që flitet në Lindjen e Mesme”.
Ministri, i cili kryeson partinë e ekstremit të djathtë Sionizmi Fetar, tha gjithashtu se Izraeli duhet të ruajë lidhjet e tij strategjike me Shtetet e Bashkuara dhe partnerët e tjerë, por duhet të parandalojë që vendi të mbyllet në forca që do ta kufizonin atë dhe do ta bënin atë të paaftë për të marrë vendime. .
Duhet të theksohet se Smotrich nuk është anëtar i kabinetit të luftës të Izraelit, i cili do të vendosë për përgjigjen ndaj sulmit iranian./vizionplus.tv/
