Spanjë-Itali sot, nuk është një ndeshje që përcakton vetëm fatet e këtyre skuadrave.
Kjo është një përballje me interes të madh edhe për rivalët e tjerë të grupit, për Shqipërinë tonë dhe për Kroacinë, të cilat kanë vetëm 1 pikë në renditje pas barazimit të fundit mes tyre në Hamburg.
Spanjollët, të cilët fituan ndeshjen e parë ndaj kroateve 3 me 0, sonte mund të presin zyrtarisht biletën për në fazën tjetër.
Konsiderohen në letër favorite kundër axurrëve për shkak të repartit ofensiv më të mirë.
Iberikët mbështeten te talentët Uilliams dhe Lamin Jamal, por edhe eksperienca e Alvaro Morates, patjetër pa harruar mesfushën e bukur të udhëhequr nga Rodri dhe Pedri.
Në krahun tjetër i njëjti diskutim vlen edhe për Italinë, edhe ajo skuadër që mund të presë një biletë të shpejtë për në fazën tjetër në rast se mund spanjollët.
Kampionët e Evropës në fuqi kanë 3 pikë pas suksesit ndaj Shqipërisë dhe sonte luajnë të paktën për të mos humbur.
Trajneri Spaleti nuk ka problem me organikën e do të vazhdojë t’i besojë të njëjtit formacion si kundër kuqezinjve.
Në letër Shqipërisë në takimin e madh të grupit B, do t’iu interesonte ndoshta një fitore e Spanjës, e cila do të vinte në datë 24 qershor në Dyseldorf kundër kombëtares tone si e kualifikuar, dhe ndoshta duke mos luajtur me linjën e parë të lojtarëve titullarë./vizionplus.tv
La afición quiere mucho a nuestro capi… y esa sonrisilla de @AlvaroMorata le delata .
¡¡ESTAMOS , ÁLVARO!!#VamosEspaña | #EURO2024 pic.twitter.com/qivnxqPRNV
— Selección Española Masculina de Fútbol (@SEFutbol) June 20, 2024
STATISTIKAT/ Luhet përballja e 8-të në një Europian, ja bilancet e takimit Spanjë-Itali
Italia dhe Spanja do të përballen për herë të 41-të në historinë mes tyre. Bilanci në sfidat e mëparshme është në favor të “Furive të Kuqe” që kanë arritur të marrin 13 fitore, kundrejt 11 të “Axurrëve”. Bilanci plotësohet me 16 ndeshje të përfunduara në barazim.
– Ndeshja e fundit mes dy skuadrave është luajtur më 15 qershorin e vitit 2023 në një takim të vlefshëm për gjysmëfinalet e Ligës së Kombeve. Ai duel përfundoi me fitoren e Spanjës me rezultatin 2-1 falë golit deciviz të Hoselut në minutën e 88-të.
– Në një fazë finale të një Europiani, kjo është ndeshja e tetë mes dy protagonistëve të mbrëmjes së sotme. Itali-Spanjë është dueli më i shpeshtë në këtë turne. Nëse llogarisim vetëm ndeshjet e Europianit, bilanci flet për 3 fitore të të kaltërve, 2 të spanjollëve dhe 2 barazime.
