Krisma në mitingun elektoral të kandidatit presidencial amerikan, Donald Trump në Pensilvani.
Në pamje shihet Trump i gjakosur në vesh.
Gjithsesi ai përshëndeti të pranishmit për të treguar se është mirë, duke ngritur grushtin.
Duket se Donald Trump u plagos në vesh, por informacionet mbeten të pakonfirmuara.
Trump u largua nga shërbimet e sigurisë me shpejtësi nga skena.
Sipas raportimeve janë dëgjuar zhurma të shtënash me armë para se Trump të ulte kokën.
Më pas ai është marrë nga efektivët e Shërbimit Sekret dhe është larguar nga podiumi.
I fully endorse President Trump and hope for his rapid recovery pic.twitter.com/ZdxkF63EqF
— Elon Musk (@elonmusk) July 13, 2024
Ish-presidenti Donald Trump është i sigurt pas një incidenti në tubimin e tij.
Këtë e bëri të ditur Anthony Guglielmi, shefi i komunikimit i Shërbimit Sekret të SHBA-së.
“Një incident ndodhi mbrëmjen e 13 korrikut në një tubim të Trumpit në Pensilvani. Shërbimi Sekret ka zbatuar masat mbrojtëse dhe ish-presidenti është i sigurt. Ky është tani një hetim aktiv i Shërbimit Sekret dhe informacione të mëtejshme do të publikohen kur të jenë të disponueshme, “tha Guglielmi në një deklaratë.
