I veshur me një helmetë biçiklete dhe syze, ai përpiqet të qëndrojë në këmbë për të përshkruar kalimin shkatërrues të uraganit Milton nëpër Florida.
Arsyeja për korrespondentin e Fox Weather, Robert Ray , i cili u gjend në “zemër” të stuhisë, në mes të shiut të rrëmbyeshëm dhe erërave të forta, ishte për të bërë punën e tij dhe për t’i treguar publikut se sa i rrezikshëm është fenomeni i motit që po prek në orët e fundit bregu perëndimor i Floridës.
“Unë jam duke qëndruar këtu sepse është një stuhi historike dhe shpresoj se ky rekord do t’i bindë njerëzit për nevojën e evakuimit. Ju nuk dëshironi të jeni në ato rrethana”, dëgjohet të thotë Ray në raportimin e tij, ndërsa bërtet në mikrofon për t’u dëgjuar. “Nuk duhet të qëndroni në shtëpinë tuaj nëse nuk është e sigurt nga ana strukturore”, shton Ray.
Ray është një nga dhjetëra gazetarët në terren, që punojnë për të informuar publikun mbi zhvillimet në lidhje me uraganin Milton, i cili tashmë ka shkatërruar shumë shtëpi dhe ka shkaktuar ndërprerje të energjisë elektrike./vizionplus.tv
Rain and debris peppered FOX Weather Correspondent @RobertRayWx as Hurricane Milton slammed Florida Wednesday night. Robert and his team provide a raw, behind-the-scenes look at conditions on the ground, as winds gusting over 80 mph were measured nearby. https://t.co/w3anhWJYT9 pic.twitter.com/M5ziv8dwJ2
— FOX Weather (@foxweather) October 10, 2024
