Të paktën 25 persona kanë humbur jetën kur një autobus me studentë ka marrë flakë në Tajlandë.
Sipas gjetjeve paraprake, të paktën 25 persona mendohet se kanë humbur jetën si pasojë e djegies së flakës së autobusit me 38 nxënës dhe 6 mësues në Tajlandë.
Ministri i Transportit të Tajlandës, Suriya Jungrungruengki tha në deklaratën e tij se autobusi me 44 pasagjerë, i cili lëvizte nga rajoni Uthai Thani për një udhëtim shkollor, mori flakë në rrugë.
Ministri i Punëve të Brendshme Anutin Charnvirakul tha gjithashtu se hetimet në vendngjarje po vazhdojnë dhe se ende nuk mund të konfirmojnë numrin e të vdekurve. Charnvirakul tha se ata vlerësuan se 25 persona vdiqën, bazuar në numrin e të mbijetuarve.
Në videot e shpërndara në rrjetet sociale, shihej se autobusi ishte përfshirë nga flakët. Informacionet për moshën e nxënësve dhe detaje të tjera nuk janë dhënë ende.
Sipas vlerësimit të oficerit të kërkim-shpëtimit në vendngjarje, zjarri ka filluar kur njëra prej gomave të autobusit ka shpërthyer dhe mjeti është përplasur në barriera.
At least 25, mostly school children, dead in #Thailand #school #bus #fire
รถบัสทัศนศึกษาจากโรงเรียนใน จ.อุทัยธานี เกิดไฟไหม้บริเวณถนนวิภาวดีรังสิตขาเข้า หน้าศูนย์การค้าเซียร์รังสิต เบื้องต้นมีผู้เสียชีวิต 23 ราย pic.twitter.com/o8qbUlzq6B— Tetova News (@TetovaNews1) October 1, 2024
