Pas mbylljes së përkohshme të ambasadës amerikane në Kiev, Spanja, Italia dhe Greqia kanë njoftuar se do të mbyllin ambasadat e tyre për shkak të një “sulmi të mundshëm të madh ajror” në kryeqytet.
Ambasada spanjolle njoftoi se nuk do të ofrojë shërbime gjatë ditës për shkak të “rritjes së rrezikut të sulmeve ajrore në të gjithë Ukrainën”, raporton agjencia e lajmeve Efe.
Mediat raportojnë se në një email të dërguar rezidentëve spanjollë në vend, ambasada rekomandon që ata “të marrin masa ekstreme sigurie, të ndjekin të gjitha rekomandimet e autoriteteve lokale dhe të jenë gjithmonë të informuar për vendndodhjen e strehimoreve”.
