Marc Samson është 23-vjeçari filipinas që masakroi me thikë 22-vjeçaren shqiptare Ilaria Sula, në Itali.

Mediat italiane bëjnë me dije se Samson, ish i dashuri i Ilarias ka pranuar krimin makabër para policisë.

Ka qenë ai që i ka treguar policisë vendin ku kishte fshehur valixhen me trupin e pajetë të studentes shqiptare.

Fillimisht u raportua 22-vjeçarja ishte larguar pas ndarjes me të dashurin e saj me origjinë filipinase.

Ai ka thënë para oficerëve të policisë se vrau me thikë Ilaria Sulën, më pas e futi në një valixhe dhe e hodhi në pyll.
Pas vrasjes ai mori telefonin e studentes shqiptare, përmes të cilit postonte në rrjete sociale.

Autorin e tradhtoi telefoni

Tabulatet dhe qelizat telefonike që tregojnë vendndodhjen e një personi kur bën një telefonatë, ishin në mesin e elementëve që zunë në kurth ish të dashurin e studentes.

Përmes analizimit të tyre, hetuesit arritën të zbulonin se në ditët pas zhdukjes së vajzës, 23-vjeçari filipinas kishte vazhduar të përdorte telefonin e saj dhe bënte postime nga profilet e Ilarias në mediat sociale.

Ish i dashuri filipinas e masakroi me thikë dhe trupin e futi në valixhe, nëna e shqiptares tregon si e kuptoi që SMS-të nga celulari i së bijës nuk i dërgoi Ilaria, por 23-vjeçari

Ilaria Sula, studentja shqiptare 22-vjeçare, e cila ishte zhdukur prej datës 25 mars, u gjet e vdekur mëngjesin e sotëm brenda një valixheje në një zonë pyjore në komunën e Polit (Romë), në fund të një shkëmbi.

Policia italiane ka arrestuar ish të dashurin e saj Marc Samson, ndërsa hetimet për shkakun e vrasjes janë fokusuar tek fundi i lidhjes së 22-vjeçares dhe partnerit filipinas.

Që nga mbrëmja e 25 marsit, Ilaria Sula, e cila ka një vëlla 20-vjeçar, ishte zhdukur.

Ajo doli nga dhoma ku jetonte me disa shoqe pa i përshëndetur dhe pa iu kthyer përgjigje mesazheve në ËhatsApp.

22-vjeçarja kishte disa vite që jetonte në Romë dhe ndante një apartament me disa shoqe. Kur Ilaria doli nga shtëpia e saj në lagjen San Lorenzo të martën dhe nuk u kthye më, miqtë e saj u alarmuan dhe njoftuan prindërit e viktimës, të cilët denoncuan zhdukjen në polici, ndërsa ditën e sotme u zbulua fati i saj tragjik.

“Menjëherë e kuptova që diçka nuk shkonte”, deklaroi nëna e viktimës, Gëzime Sula, e cila nxitoi për në Romë së bashku me të shoqin dhe djalin pasi mori vesh lajmin për gjetjen e trupit të 22-vjeçares.

Ndërsa shtoi: “Komunikonim me videocall dhe nuk dërgonte mesazhe. Më pas fola me miqtë e saj që jetonin me të dhe së bashku me bashkëshortin vendosëm të denoncojmë menjëherë zhdukjen e saj. Hetimet çuan menjëherë te djali me të cilin Ilaria ka pasur një lidhjenë të kaluarën, por ne dimë pak për të”.

Ilaria emigroi nga Shqipëria në Terni kur ishte fëmijë së bashku prindërit e saj të cilët nisën një jetë të re në provincën Umbrian.

Nëna e saj punon si pastruese ndërsa i ati në një kompani ndërtimi. Familja jeton në një pallat pranë stadiumit Liberati.

Para se të shkonte të jetonte në Romë, Ilaria ndoqi me sukses shkollën e mesme Angeloni, në degën Ekonomi dhe shkenca sociale.

Sapo u diplomua, vendosi të regjistrohej në Universitetin “La Sapienza” për të vazhduar studimet në Fakultetin e Shkencave Statistikore.

Zbardhet identiteti i autorit të dyshuar për vrasjen e 22-vjeçares shqiptarë në Itali, Ilaria Sula.

Bëhet fjalë për shtetasin filipinas, Marc Samson, i cili dyshohet se vrau me thikë Sulën, të dashurën e tij.

23-vjeçari ka pranuar vrasjen e shqiptares, duke thënë se e ka goditur disa herë me thikë, trupin e futi në një valixhe dhe e hodhi në një zonë të pyllëzuar.

Policia italiane kontrolloi mëngjesin e së mërkurën banesën e tij, ku jetonte me prindërit, një çift që jetonte prej vitesh në Itali. Nëna ishte shtëpiake, ndërsa i ati punon në një shtëpi borgjeze romane. Miqtë e familjes e përshkruajnë të riun si një djalë të mirë, dhe prindërit e tij po ashtu.

“Marc ishte një djalë shumë i mirë. Ai sapo ishte diplomuar për arkitekturë, prindërit e tij janë njerëz shumë të mirë.”, deklaroi një mik i familjes, gjithashtu filipinas.

Një tjetër thotë se nëna e tij kishte bërë një operacion në zemër disa kohë më parë. “Nëna kishte një operacion në zemër disa kohë më parë. Nuk mund ta besoj që ka ndodhur diçka e tillë. Ndonjëherë prindërit janë në rrezik për fëmijët e tyre.”, u shpreh 78-vjeçarja Maria Pia.

Në ditët e zhdukjes së saj, 23-vjeçari dyshohet se përdori celularin e të resë për të postuar story në profilin e rrjeteve sociale të Ilaria-s, duke ngatërruar hetimet.

Iliria Sula humbi kontaktet me familjen dhe shoqet e saj më 25 mars.

“Telefonin e saj e hodha në pusetë”- Zbardhet dëshmia e të riut filipinas që vrau 22-vjeçaren shqiptare! Vëllai i Ilaria Sulës: Qëndruan të lidhur për rreth 1 vit, por u ndanë! Ja kur fola me motrën për herë të fundit

“E kam hedhur telefonin në pusetë”, kështu ka deklaruar 23-vjeçari Marc Samson i cili masakroi me thikë 22-vjeçaren shqiptare Ilaria Sula dhe më pas trupin e saj e vendosi në një valixhe, e cila u gjet në një zonë të pyllëzuar në Poli.

Valixhja ishte mbyllur me trupin e pajetë të shqiptares brenda dhe u gjet në fund të një shkëmbi.

Policia u dërgua atje nga ish-i dashuri filipinas, Marc Samson, student i arkitekturës dhe punonjës i McDonald’s, i cili u arrestua për vrasje dhe fshehje të një kufome.

Tabulatet telefonike të viktimës kanë çuar policinë drejt 23-vjeçarit, i cili në ditët e zhdukjes së saj dyshohet se përdori celularin e së resë për të bërë postime në rrjetet sociale të Ilaria-s. Më pas ka qenë ai që ka dërguar policinë në vendin ku ka hedhur trupin e ish të dashurës së tij.

Ndërkohë ka folur edhe vëllai i viktimës, i cili ka deklaruar se e motra ka qenë në një lidhje me të riun por ishin ndarë.

“E pashë motrën time për herë të fundit të dielën më 23 mars kur ajo erdhi në Terni. Ajo ishte e qetë dhe nuk më tregoi për asnjë problem. Kjo ishte hera e fundit që jam i sigurt që fola me motrën time. Nuk jam i sigurt nëse ajo i ka shkruar mesazhet që kam marrë pas asaj dite”, deklaroi Leoni, vëllai 20-vjeçar i Ilaria Sulës.

Ndërsa tregoi: “E njoh, ata ishin bashkë për rreth 1 vit, por u ndanë. Pyesim veten pse e bëri këtë. Vetëm ai mund ta dijë.”