Shërbimi për ndalim të mashtrimeve – OLAF dhe prokuroria italiane nga Milanoja e ka iniciuar arrestimin e sotëm të sekretarit shtetëror, njëherit funksionarë i lartë i BDI-së, Jahi Jahiu, thuhet në report.
I dyshuari për mitmarrje dhe provizion të paligjshëm nga IPA-fondet pritet të dorëzohet në parabu*rgim. Përgjatë funksionarit të Likovës, të dyshuar janë edhe J.G (52) nga Shkupi i cili për momentin është në arr*ati.
Policia ka kryer 5 bas*tisje të koordinuara në Shkup dhe Kumanovë, ku dy janë kryer në Ministri në Maqedoni dhe 8 bas*tisje në Itali.
Në kumtesë thuhet se janë siguruar dëshmitë e duhura për parregullsi, mashtrime dhe korrupsion në disa projekte në disa nga institucionet e shtetit, të financuara nga Bashkimi Evropian në vlerë prej 1,2 milionë euro, gjatë periudhës 2014-2016.
Të dyshuarit kanë fituar dhuratë – udhëtime jashtë vendit, në vlerë totale prej 7000 eurove, për të siguruar informacione që kanë qenë të ndaluara.
Njërit ndër aplikuesve të tenderit i kanë mundësuar kyçje të detajuar në informacione të klasifikuara, me çka i kanë mundësuar që të jetë në avantazh nga aplikantët tjerë dhe të zgjidhet për IPA fondet, për të fituar tender me vlerë prej 1.096.900 euro.
Për këtë të njëjtët kanë fituar 37.930 euro, gjegjësisht 2500 euro.
