Kandidatët për president të Republikës së Maqedonisë së Veriut, Blerim Reka, Gordana Siljanovsk-Davkova dhe Stevo Pendarovski sot u përballen në një debat televiziv në “Telma”.
Kandidati Blerim Reka, gjatë debatit tha se edhe pse është i përkrahur nga Besa dhe Aleanca për Shqiptarët ai është kandidat i pavarur.
“Kur e pashë se në garë janë dy kandidatë nga shumica maqedonase, mendoj se s’do të ishte korrekte nëse nuk ka kandidat i cili nuk i takon shumicës”, tha Reka.
Kandidatja e pavarur Gordana Siljanovska gjatë debatit tha se në konkursin e OBRM-PDUKM-së për president të vendit shkruante se nuk duhet dhe nuk është e detyrueshme që të përkrahen politikat e partisë. Edhe Siljanovska tha se ajo është kandidate e pavarur dhe se nuk mund të fitohen zgjedhjet nëse nuk merr përkrahje nga partia më e madhe në vend.
Ndërsa kandidati i përkrahur nga pushteti Stevo Pendarovski tha se gjatë fushatës për zgjedhjet presidenciale nuk shfrytëzon resurset shtetërore. Nuk shfrytëzohen, siç tha ai, veturat qeveritare dhe asgjë të ngjashme./Telegrafi/
