Komuna e Tetovës sot ka prezentuar propozim buxhetin e vitit 2020, në një debat publik me qytetarët. Por, ky institucion dhe Teuta Arifi kanë qenë të bojkotuar nga ana e qytetarëve të Tetovës. Të pranishëm në sallë kanë qenë vetëm administratorët komunal, disa këshilltarë dhe gazetarë. Ndërsa Teuta Arifi, edhe vetë nuk ka marrë pjesë në këtë takim.
Të parët që kanë reaguar, ka qenë Aleanca për Shqiptarët, ku kreu i degës së Tetovës Altrim Mamuti nëpërmjet një postimi ka deklaruar që më qytetarët nuk i besojnë Teuta Arifit:
Sot komuna e Tetovës pati takim me qytetarët për shpalosjen e projektit për buxhetin e vitit 2020 nga fotografitë që shihen shihet qartë se Teuta Arifi pati një anashkalim total nga ana e tetovarëve sepse qytetaret më nuk iu besojnë gënjeshtrave të sajë.
Në këto fotografi shihet një numër shumë i vogël i të pranishmëve ku një pjesë janë gazetarë, këshilltarë komunal dhe anëtar të organizatave joqeveritare,që kanë shkuar për të kryer obligimet e tyre kritike ndaj udhëheqësisë momentale, ajo qe bije në sy është se Teuta Arifi është anashkaluar totalisht nga të punsuarit e komunës dhe të partisë së saj që po shkon drejt humnerës!
Dhe më interesante është fakti se përkundër asaj që bëri ftesë të hapur për këtë takim vet ajo nuk mori pjesë në këtë takim!
