Mjekja hematologe, Alma Cili, rrëfen eksperiencën e saj të vështirë me koronavirusin. E ftuar në emisionin “Kjo Javë” të gazetares Nisida Tufa, në News24, mjekja Cili tregon si u infektua në punë, edhe pse ishte me maskë, ndërsa tregon se virusin e rëndë ia ka kaluar gjithë familjes, bashkëshortit dhe dy djemve të saj të vegjël. Duke e cilësuar këtë si sëmundjen më të vështirë, mjekja tregon edhe simptomat e saj, teksa thekson se “Të martën pasdite kur kthehem nga puna, bëj një dush, me idenë të bëj një dush se si dihet mund të kem marrë dicka atje. Në momentin që kam dalë nga dushi, ekzakt në korridor, jo kollë, por që mua më ka rrëzuar në korridor, që nuk ka ndodhur kurrë”.
