Qeveria greke ka ngritur sot alarmin se pavarësisht nga fakti se vendi fqinj ndodhet në bllokim prej tre javësh, rastet dhe numri i të intubuarve mbeten në nivele të larta me rekordet negative që thyejnë njëra-tjetrën nga dita në ditë.
Në të njëjtën kohë, situata në zonat e Greqisë veriore po del jashtë kontrollit, me spitalet që nuk kanë më shtretër bosh. Ky zhvillim madje bëri që qeveria t’i bënte thirrje klinikave private për të hapur dyert.
Qeveria, duke parë situatën me rritjen e numrit të rasteve që nuk përmirësohet, thekson se heqja e bllokimit që ishte planifikuar për fillimin e dhjetorit do të shtyhet.
Javën tjetër, sipas zyrtarëve të qeverisë, do të përgatitet dhe shpallet plani për heqjen graduale të masave kufizuese, i cili do të bëhet me hapa shumë të kujdesshëm dhe sigurisht me një vonesë prej disa javësh. Qëllimi është, siç është theksuar nga komiteti i specialistëve të sëmundjeve infektive që bën sugjerime, të hapen fillimisht shkollat, më pas dyqanet e shitjes me pakicë dhe së fundmi hotelieritë.
Sidoqoftë, rendi në të cilin do të hapen dhe mënyra se si do të bëhet nuk është vendosur ende dhe gjithçka do të varet nga situata epidemiologjike e vendit fqinj javën e ardhshme dhe situata që do të mbizotërojë në njësitë e kujdesit intensiv.
Mina Gaga, pulmonologe dhe drejtoreshë koordinuese e Klinikës Pulmonare në Sotiria, thotë se vendi fqinj jo vetëm që nuk duhet të dalë nga izolimi por se ka nevojë për masa më të rrepta.
“Nëse nuk jemi të kujdesshëm ne mund të bëhemi në çdo kohë edhe më keq Italia. Ne duhet ta mbajmë bllokimin sa më të rreptë të jetë e mundur “, vuri në dukje ajo, ndërsa shprehu shqetësimin për situatën alarmante në Selanik.
“Unë nuk e kuptoj pse pas kaq shumë kohësh, ne nuk kemi një zvogëlim të rasteve në Selanik”, vuri në dukje ajo.
Për të shpjeguar faktin se rastet e reja mbeten në nivele shumë të larta, ekspërtet që këshillojnë qeverinë e Qiriako Mistotaqis thanë se kanë ndikuar një sërë faktorësh.
Athanasios Tsakris, duke dashur të shpjegojë shpërthimin në Greqinë veriore, theksoi se temperaturat ishin më të ulëta se muajin e kaluar krahasuar me Greqinë e Jugut dhe ky ishte faktori kryesor që ndihmoi në fuqizimin e epidemisë.
“Unë mendoj se fuqizimi i valës epidemike tre javë pas vendosjes së bllokimit në Selanik dhe dy javë pas zbatimit të masave kufizuese në të gjithë vendin është shqetësues,” tha Vana Papaevangelou, profesore e Sëmundjeve Infektive Pediatrike .
“E vërteta është se në përvojën e pranverës së kaluar nga bllokimi i parë kombëtar pritej një frenim më i madh i pandemisë, por kjo nuk ka ndodhur, për shkak të faktorëve të ndryshëm që bashkëjetojnë me virulencën e lartë epidemiologjike të virusit.”
“Çështja është komplekse dhe e komplikuar,” tha ajo. “Çdo ditë ne përpiqemi të rrisim numrin e testeve që kryhen sepse është jashtëzakonisht e rëndësishme të diagnostikojmë raste asimptomatike që mund të vazhdojnë të përhapin infeksionin pa e ditur.”
Këto testime kryhen kryesisht në zona të rënda epidemiologjikisht. Duket se javën e fundit u krye një numër i madh testesh si në Selanik ashtu edhe në Larisa. Ekspertët grekë po analizojnë po ashtu ndryshimin e virulencës mesatare epidemiologjike, në secilën njësi rajonale në javë. “Këto të dhëna tregojnë se ka një stabilizim në Atikë dhe Greqinë Veriore, ndërsa në Thesali vazhdojnë prirjet në rritje,” nënvizoi ajo.
“Respektimi i rreptë i masave është gjithashtu jashtëzakonisht i rëndësishëm. Për fat të keq, duket se në disa rajonë mbizotëron lodhja nga kufizimet, ose në raste të tjera, vendimet tona të gabuara për kënaqësi oportuniste kanë pasoja katastrofike jo vetëm për ne dhe familjen tonë, por edhe për të gjithë shoqërinë,” shpjegoi Papaevangelou.
Faktet janë të frikshme
Të dhënat e fundit nga në vendin fqinj janë akoma të frikshme. Një rekord i dyfishtë u njoftua dje , me 72 të vdekur dhe 519 të intubuar, si dhe 2.581 raste të reja , pavarësisht bllokimit që ka mbetur në fuqi për disa ditë.
Në të njëjtën kohë, Selaniku dhe Atika janë ende zona “të kuqe” me 673 dhe 582 raste të reja koronavirus, respektivisht ndërsa 4 rajone të tjera numërojnë më shumë se 100 infeksione, ndërsa në 23 rajone janë dyshuar rastet e reja.
Zëdhënësi i qeverisë, Stelios Petsas, vuri në dukje se javën e ardhshme Greqia do të vendosë nëse do të shtojë masat izoluese ose t’i heqë ato. Shkencëtarët e vërejnë se është e pamundur të hiqen kufizimet në fillim të dhjetorit.
Profesori i Mikrobiologjisë dhe anëtar i komitetit shkencor të Ministrisë së Shëndetësisë, Athanasios Tsakris , sqaroi se është “e paimegjinueshme që Greqia të dalë nga bllokimi në 1 dhjetor”.
Në të njëjtën kohë, ai nënvizoi se disa kufizime mund të hiqen pak më vonë. “Ne do të shohim nëse fëmijët mund të kthehen në shkollat fillore,” tha ai, për shembull, duke konfirmuar raportet që shkollat do të hapeshin së pari, pasuar nga dyqanet me pakicë dhe hotelieritë.
Sidoqoftë, situata në Greqinë veriore është dramatike me mjekët që përshkruajnë imazhe “lufte” në njësitë e kujdesit intensiv.
