Një aksident i rëndë ka ndodhur në Rubik mbrëmjen e sotme. Në këtë aksident kanë mbetur te vdekur 4 persona dhe një i lenduar. Mësohet se vi ktimat janë anëtarë të së njëjtës familje që po udhëtonin nga Kosova. Paraprakisht raportohet se kanë ndërruar jetë dy prindërit dhe dy fëmijët e së njëjtës familje, ndërsa ka mbetur i lenduar rëndë një fëmijë tjetër i mitur.

Në këtë aksident janë përfshirë një makinë tip “Citroën” ku udhëtonin 5 personat e së njëjtës familje dhe një kamion. Sipas të dhënave paraprake dyshohet se makinat janë pë rplasur kokë më kokë. Në këtë pjesë të Rrugës së Kombit mungon ndriçimi dhe dyshohet se ka ndikuar në shkaqet e aksidentit, si dhe lagështia në rrugë. Në vendin e ngjarjes kanë shkuar forca të shumta policie, ambulanca dhe zjarrfikësit.

Njoftimi paraprak i policisë:

Në Aksin Rrugor Rrëshen Rubik, Rruga e Kombit, te karburant “Toma”, ka ndodhur një aksident rrugor midis mjeteve Citroen dhe mjeti kamjon ku si pasojë e aksidentit dyshohet per 4 vi ktima. Grupi hetimor dhe Shërbimi Zjarrfikës ndodhen në vendngjarje.

Detaje nga aksidenti tragjik: Dy të rritur dhe dy fëmijë kanë vdekur, 3-vjeçarja shpëtoi

Katër anëtarë të një familjeje kanë vdekur sot si pasojë e një aksidenti të rëndë që ka ndodhur në Rubik, ndërsa një fëmijë ka mbetur i lënduar rëndë.

Express ka mësuar se kryefamiljari B.A ishte kosovar ndërsa gruaja e tij A.A, shtetase e Shqipërisë.

Viktima kanë mbetur edhe dy fëmijët e mitur K. K, 11 vjeç, dhe M. A, 6 vjeçe.

E mbijetuara e vetme e familjes nga aksidenti tragjik është 3-vjeçarja V. A, e cila është transportuar te Spitali i Traumës.

Mësohet se dy automjete, një Citroen dhe një kamion, janë përplasur me njëri-tjetrin.

“Në Aksin Rrugor Rrëshen Rubik, Rruga e Kombit, te karburant “Toma”, ka ndodhur një aksident rrugor midis mjeteve Citroen dhe mjeti kamjon ku si pasojë e aksidentit dyshohet per 4 viktima. Grupi hetimor dhe Shërbimi Zjarrfikës ndodhen në vendngjarje“, thuhet në njoftimin e Policisë së Shqipërisë.

Flet dëshmitari i aksidentit në Rrugën e Kombit, tregon se si njëri nga anëtarët vdiq në vendin e ngjarjes

Katër anëtarë të një familjeje kanë vdekur sot si pasojë e një aksidenti të rëndë që ka ndodhur në Rubik, ndërsa një fëmijë ka mbetur i lënduar rëndë.

Dëshmitar në këtë ngjarje ishte edhe Gjergj Marku, i cili ka treguar në detaje se çfarë ka parë nga ky aksident.

Ai thotë se njëri nga anëtarët ka vdekur në vendin e ngjarjes, ndërsa 3 të tjerët kanë shkuar me shenja jete në spital dhe kanë ndërruar jetë aty.

Në linkun e mëposhtëm mund të shihni pamjet nga aksidenti që ka ndodhur orë më parë në Rrugën e Kombit.

Postimi i plotë pa ndërhyrje:

Aksident tragjik ne Rrugen e Kombit, me 4 te vdekur, pjesetare te nje familje nga Kosova!…(Nuk e kam zakon qe ne profilin tim te nxjer aksidentet qe ndodhin, por sonte isha vete deshmitar i ngjarjes se rende afer karburant Toma, rruges per Rubik, ku fale nje parakalimi te gabuar, u shua pothuajse totalisht nje familje nga Kosova.

Po sjell kroniken:

Aksidenti tragjik ndodhi në afersi te karburant TOMA, ku mjeti tip “Citroen” me të cilin udhëtonte familja Avdiaj nga Kosova është përplasur me mjetin tip kamion me drejtues shtetasin I.I.,banues në Kosovë. Nga kjo perplasje fatale kanë humbur jetën 4 personat Blerim Avdiaj, 45 vjeç, Anjeza Avdiaj 34 vjeçe dhe dy fëmijët Klejdi Koci 11 vjeç dhe Medina Avdiaj 5 vjeçe. 11-vjeçari ishte i afërm i viktimave. Ata janë dërguar në morgun e Kukësit.

Një nga anëtarët ka gjetur vdekjen në vendin e ngjarjes, ndërsa 3 të tjerët kanë shkuar me shenja jete në spital dhe kanë ndërruar jetë aty.I plagosur rëndë ka mbetur edhe një fëmijë tjetër, Violeta Avdiaj 3 vjeçe, e cila është dërguar me urgjencë në Spitalin e Traumës në Tiranë. Të dy automjetet po vinin nga Kosova drejt Shqipërisë.Shkak i aksidenti dyshohet se ka qenë parakalimi i gabuar nga makina ‘Citroen’ me të cilën po udhëtonte familja nga Kosova dhe shpejtësia e lartë. Kjo ka bërë që ata të përplasen me kamionin, duke u marrë edhe jetën 4 anëtarëve të familjes dhe lënë të plagosur rëndë fëmijën e mitur.

Familja ishte rezidente në Zvicër, ndërsa ishin nisur nga Kosova drejt Shqipërisë, të dyja mjetet e përfshira në aksident ishin me targa të Kosovës.

Identifikohen katër viktimat e aksidentit tragjik në Rrugën e Kombit, jetonin në Zvicër

Aksidenti tragjik që ka ndodhur në afërsi të një karburanti në Rreshen, ku mjeti tip “Citroen” me të cilin udhëtonte familja Avdiaj nga Kosova është përplasur me mjetin tip kamion me drejtues shtetasin I.I.,banues në Kosovë.

Si pasojë e përplasjes fatale kanë humbur jetën 4 personat: Blerim Avdiaj, 45 vjeç, Anjeza Avdiaj 34 vjeçe dhe dy fëmijët Klejdi Koci 11 vjeç dhe Medina Avdiaj 5 vjeçe. 11-vjeçari ishte i afërm i viktimave. Ata janë dërguar në morgun e Kukësit. Një nga anëtarët ka gjetur vdekjen në vendin e ngjarje, ndërsa 3 të terët kanë shkuar me shenja jete në spitalin e Kukësit dhe kanë ndërruar jetë aty.

I plagosur rëndë ka mbetur edhe një fëmijë tjetër, Violeta Avdiaj 3 vjeçe, e cila është dërguar më urgjencë në Spitalin e Traumës në Tiranë. Të dy automjetet po vinin nga Kosova drejt Shqipërisë.

Shkak i aksidenti dyshohet se ka qenë parakalimi i gabuar nga makina ‘Citroen’ me të cilën po udhëtonte familja nga Kosova dhe shpejtësia e lartë. Kjo ka bërë që ata të përplasen me kamionin, duke u marrë edhe jetën 4 anëtarëve të familjes dhe lënë të plagosur rëndë fëmijën e mitur.

Familja ishte rezidente në Zvicër, ndërsa ishin nisur nga Kosova drejt Shqipërisë, ndërsa të dyja mjetet e përfshira në aksident ishin me targa të Kosovës.