Kancelari gjerman, Olaf Scholz në një deklaratë për shtyp tha se Evropa nuk mund të garantojë furnizimet e saj me energji pa importe nga Rusia.
“Energjia është përjashtuar qëllimisht nga raundet e mëparshme të sanksioneve. Energjia ruse është e një rëndësie jetike për jetën e qytetarëve evropianë”, tha ai.
Edhe udhëheqësit e Britanisë dhe Holandës kanë paralajmëruar kundër ndalimit te të importeve ruse të energjisë, duke thënë se nuk kishte furnizime alternative të menjëhershme.
Kundërshtimi erdhi pasi Shtetet e Bashkuara të dielën thanë se ishin në “diskutime aktive” me vendet evropiane për mbylljen e importeve të naftës ruse si pjesë e sanksioneve kundër Moskës.
