Presidenti amerikan Joe Biden ka thënë se “lufta e Putinit kundër Ukrainës nuk do të jetë kurrë një fitore”.
“Ai shpresonte të dominonte Ukrainën pa luftë. Ai shpresonte të thyente vendosmërinë e Evropës. Ai shpresonte të dobësonte aleancën transatlantike. Ai shpresonte të ndante Amerikën,” tha Biden në një deklaratë.
“Ai dështoi”, përfundoi presidenti amerikan.
Pasi SHBA vendosi sanksione të reja ndaj Rusisë sot, duke përfshirë ndalimin e aksesit në dollarë dhe preferencat tregtare, Biden mbajti një fjalim të ri në të cilin tha se e gjithë bota tani është për Ukrainën dhe nuk do të lejojë “autokratë me ambicie perandorake të diktojnë vullnetin e tyre. “.
“Ne nuk do të shkojmë në luftë me Rusinë në Ukrainë,” tha Biden, sepse konfrontimi midis NATO-s dhe Rusisë, tha ai, do të çonte në Luftën e Tretë Botërore.
“Por ne tashmë e dimë se lufta e Putinit kundër Ukrainës nuk do të përfundojë kurrë me fitore”, shtoi ai, duke paralajmëruar se sulmi i Rusisë ndaj NATO-s mund të ketë pasoja shumë të ndryshme.
Presidenti amerikan shtoi se aleatët do të bëjnë gjithçka që është e mundur për të siguruar që Ukraina të ketë armë për t’u mbrojtur kundër sulmit rus.
“Ne do të dërgojmë para, ushqime dhe ndihmë për ukrainasit. Dhe ne do të pranojmë refugjatë ukrainas,” tha Joe Biden.
Putin’s war against Ukraine will never be a victory.
He hoped to dominate Ukraine without a fight.
He hoped to fracture European resolve.
He hoped to weaken the trans-Atlantic Alliance.
He hoped to split apart America.He failed.
— President Biden (@POTUS) March 11, 2022
