40-vjeçari kishte denoncuar më parë në polici nëpërmjet thirrjes së urgjencës dhe kishte deklaruar se kishte vrarë vajzën. Sfondi është ende i paqartë.
Sipas gjetjeve fillestare të policisë, një 40-vjeçar vrau me thikë vajzën e tij shtatëvjeçare në Ulm. Siç njoftuan autoritetet në mbrëmje, burri thirri policinë të hënën e Pashkëve dhe tha se kishte vrarë vajzën në zonën e një qendre shkollore në rrethin Wiblingen. Më pas ai u arrestua nga oficerët.
Sfondi i krimit është ende i paqartë, policia kriminale po heton. Sipas policisë, bëhet fjalë për “krim brenda familjes”. Nga këndvështrimi i policisë nuk ka pasur asnjë rrezik për popullatën”, thuhet në njoftim. Autoritetet nuk kanë bërë të ditur asnjë informacion të mëtejshëm në mbrëmje, sepse hetimet nuk duhet të rrezikohen.
Të dielën e Pashkëve dy fëmijë, vëlla e motër, shtatë dhe nëntë vjeç u gjetën të vdekur në një apartament në Hockenheim afër Heidelberg.
Hetuesit arrestuan në vendngjarje një 43-vjeçare, të dyshuar për vrasje. Gruaja është nëna, raportoi gazeta “Bild” në internet të hënën, duke cituar kryeprokurorin publik të Mannheim, Andreas Grossmann. Sipas tij, ajo ka njoftuar vetë policinë. Sipas policisë, trupave të fëmijëve do t`u bëhen autopsitë të martën.
Gjermania ka parë raste të fundit ku të rriturit janë akuzuar për vrasjen e fëmijëve në familjen e tyre.
Një rast në veçanti shkaktoi valë tronditëse në mbarë vendin. Në shtator 2020, një grua u akuzua për vrasjen e pesë fëmijëve të saj në një apartament në qytetin perëndimor gjerman të Solingen.
Një autopsi zbuloi se ata ishin qetësuar para se të mbyten në vaskë. Viktimat ishin të moshave nga 18 muaj deri në 8 vjeç. Fëmija i madh, i cili në atë kohë ishte 11 vjeç, mbijetoi sepse nuk ishte në shtëpi në momentin e vrasjeve.
Nëna 28-vjeçare e fëmijëve u shpall fajtore dhe u dënua me burgim të përjetshëm në nëntor 2021. Dpa/ dw /tetova.com
Video bonus:
https://youtu.be/MCw8Gye_znM
Video bonus:
https://youtu.be/vFjKYYA8FfE
Video bonus:
Video bonus:
https://youtu.be/Z0amNgJ_Cw0
